خاطره فى رثاء أبى

أول خاطره كتبتها فى حياتى
كانت فى عيد الأضحى الماضى
العيد الأول على فراق والدى الغالى

تتسارع دقات قلبى شوقا اليك

ذهبت وتركتنى أبحث عنك

أين انت ؟؟

يا من ملكت حياتى

وفى حبه ... تعلمت معنى الإشتياق

أهذا أنت ؟؟

تريد ان أذهب اليك ؟

لبيك حبيبى لبيك

موعدنا هناك

عند قصرنا البعيد

تجمعنا الأشواق والبسمات

انتظرنى هناك ....

سآآآتى وفى قلبى كل الذكريات


***


أتذكر لهفتى ولوعتى ؟؟؟

وأدمعى وقت ذلتى

وحسراتى وعبرتى ؟؟؟


أتذكر يوم فراقنا؟

يوم أن ابتعدت أجسادنا

وتوارت خلف الجدران قبلاتنا

فيا صباح الأضحى رفقا بنا

هون علينا فراق محبوبنا

فلازالت الدموع تملأ عيوننا

ولازالت القلوب بحبه هائمه

ولازالت الجفون لذكراه ساهره

***

رحمك الله يا أحن وأطيب وأغلى انسان
القاك فى الجنه

Happy Birthda ,Sanar

11\11\1989
كان يوم ميلادى

11\11\2004
كانت اخر مره عملولى فيها عيد ميلاد

وكانت دى هديه بابا وماما ليا

والله العظيم قعدتهم دى بالدنيا :D


11\11\2008
كملت 19 سنه بقى
مش قادره اوصفلكوا اد ايه انا مبسوطه
بقالى كتير اوى مستنيه ال 19 دول
تصدقوا مش عارفه ليه
يعنى 16 طلعت البطاقه

و18 طلعت الرخصه

19

بقى بيطلعوا فيها ايه دى؟ الله اعلم
ربنا يستر وميطلعش فيها اخر شهاده :D
الاعمار بيد الله اكيد

عندى يقين ان السنه دى هتكون وش السعد
وبدايه لتغيير قوى فى شخصيتى وفى حياتى

عندى يقين ان فى حاجه معينه هتحصل السنه دى هتغير مسار حياتى للأبد
( اذ ربما يكون تفكيركوا راح لحاجه بعيده بس اؤكدلكم انى مقصدهاش )

عندى يقين انى لو ركزت فى البريميير انا وريهان هنعمل الفيلم الوثائقى اللى هيتعرض فى حفله جيان واللى ناس معينيين مرضيوش يعملوه :D

عندى يقين ان دكتوره هبه رؤوف هيكون ليها أثر قوى فى حياتى حتى لو لم تسنح لى الفرصه انى اتعرف عليها شخصيا

عندى يقين انه ممكن فى يوم من الايام الاقى عند بتاع الجرايد كتاب من تأليف سمر ماهر مطبوع فى مطبعه دار الشروق :D

عندى يقين انه ممكن فى يوم اذ ربما اتلاقوا فيلم في السينما من تأليف السيناريست سمر ماهر

عندى يقين ان ريهان هيكون ليها تأثير قوى فى حياتى لو فضلت صداقتنا زى ماهى

يقين عندى ( نغير بقى ) ان مدونه امينه الجديده هيبقى ليها شنه ورنه فى عالم المدونات
وانها هتكون دكتوره اطفال كبيره فى مصر هى واخوها اللى مرديش يبعتلى اغنيه

allah knows

عندى يقين انى لو قمت روقت الشقه دلوقتى ماما هتنبسط منى وهتجيبلى هديه فى عيد ميلادى

يالا يا سموره
Happy birth day to u
شت شت شاااا

وعلى رأى الدوك عمرو ابن خالى اللى مرديش يبعتلى الاغنيه
( مبحبش الدباديب ، ورد ماشى )

:D:D

مسوده

مبروك يا امينه على المدونه الجديده بتاعتك
وانا واثيق م الفوز :D
واثقه انها هتكون مؤثره وليها وزنها
يا امينه يا اكبر دكتوره فى مصر وفى الفضاء الخارجى ان شاء الله :D
( عمرى ما قلتلها حاجه بتوجعنى وقالتلى على علاج على فكره :D(

بحبك يا بنت خالى يا اللى دايما ساكنه فى بالى :D
( امينه عاوزين نعمل مدونه ل

NASA

:D:D
يا جناح ناسا الايمن
اللى بلوجر ذات نفسه جه يهنيكى على المدونه

هنا مدونه امينه

قديمه شويه ... بس تنفع ( ذكرياتنا فى المعموره

احلى حاجه في الدنيا لما تكون مع ناس بتحبهم وبيحبوك
ومكنتش تتخيل في يوم انك تقضى معاهم اسبوع كامل سوا سوا
ليل نهار ونهار وليل مع بعض
الاحداث دى كانت في شهر سبعه
تقريبا كدا 25 سبعه

ممكن اقول عليها من احلى الايام اللى قضيتها في حياتى
وسبحان الله جت صدفه كدا ولا في ترتيب ولا حاجه

بيكتبلكوا التدوينه دى 3 أشخاص ( سمر وأسماء وريهان
كنا كتبناها مع بعض وقتها
واتفقنا هننزلها على مسلمه
خلوكوا معانا


*****

( سموره بتحكى )

انا قاعده دلوقتى انا واسماء وريهان على البلاج
بنحكى وبنرغى وبنقزقز لب
قررنا لازم نكتب تدوينه نحكى فيها عن حاجات كتير حصلت
بجد احنا مبسوطين اوى ولازم نشارككم معانا بسطتنا
:D
سمر تعالى نحكى على الملاهى
لا نحكى يوم ما اتمشينا بالليل ع البحر يا اسماء
لا يوم السينما
لا يا ريهان نحكى على يوم ما اتقابلنا

اوووووووووووك
هبدأ انا بقى

****

اللقـــاء

( أسماء )

كنت واقفه في الشباك
لقيت من بعيد اتنين كدا جايين
قلت في عقل بالى ايه دا
مستحيل يعنى
كنت متأكده ان اللى ناحيه اليمين دى ريهان
انما اللى في الشمال دى
متوقعتهاش خاااااااالص
لما دققت شويه افتكرت الهدوم اللى هى لبساها
يانهار ابييييييض
ايه دا
دى هى
دى سمررررررررررررررر
يا جــــــــــــــزم
اطلعوا اطلعوا

***
( سمر )
آآه أصل انا كنت عملاها موفاجأه لاسماء
كنت قايلالهم ان اختى رايحه وممكن اجى معاها
بس كان عندنا حاجات في جيان وكنت عاوزه اقعد
بس في الاخر قلت اسافر وابقى ارجع بقى قبل ما التصوير يبدأ
لقيت ريهان بتكلمنى وبتقولى مش هتيجى بقى ولا ايه
قلتلها يا بنتى انا خلاص في المعموره
طبعا البنت مصدقتش نفسها
واتفقت انا وهى اننا مش هنقول لاسماء عشان نعملهالها مفاجأه
ابيه محمد وصلنى وقابلت ريهان عند زهران ماركت
وروحنا على سمكه

***

(ريهان )

طلعنا لاسماء انا وسمر
وأسماء خدت منى جرنال كنت جيباهولها
من كتر الثقافه ياعينى قالتلى اشتريهولها وانا جايه
خدته وقعدت تقرا فيه ولا كأن في كرنبتين واقفين والمفروض تسلم عليهم
يالا فيها الخير
بعد كدا سلمت على سمر وكالعاده هزأتنى عشان مقلتلهاش ان سمر جت
ضحكنا
وهزرنا
وصلينا المغرب مع بعض وعمو صلاح _ بابا اسماء_ خرج سلم علينا
وقال لاسماء تجيبلنا حاجه نشربها وتبقى تاخد حسابها منى قبل ما امشى
كان مخنوق منى اوى وبيقولى مش كفايه القاهره
هلاقيكى هنا كمان
يا ساتر
قعد يحكى لسمر عن التليفونات بتاعتى انا واسماء ويقولها
ان هو صاحب التليفون ومبيعرفش يتكلم فيه
المهم
قعدنا شويه في البلكونه
وبعدين نزلنا نتمشى
وكنا بنتكلم في موضوع واحد بس
لا ياربى كانوا موضوعين
لالالا
3
3 مواضيع
وأظرف حاجه
اننا كنا بنتكلم في ال 3 مواضيع في وقت واحد
مش نقفل موضوع ونتكلم في التانى
لا مع بعض
مش عايزين نضيع وقت

***

( ريهان برده )

مش عارفين نعمل ايه ولا ايه
أخيرا
قررنا اننا هنروح الملاهى ( ملاهى المعموره

كالعاده أتأخرت على اسماء وسمر وهما راحوا منغيرى
المهم قابلتهم وقلتلهم ها هنركب ايه
بصيت لأسماء نظرة تحدى
وقلتلها تيجى ؟؟؟
قالتلى ماشى يا وحش يالا
طبعا كنا مرعوبين
والأخت سمر لقيناها بعدت بعيييييييييييييييييد
وقالت أبدا
قلتلها طيب يا سمر جربى
تقولى هى بتوجع ؟؟؟
بتوجع ايه يا بنتى هى حقنه
المهم ركبنا انا واسماء واسراء
كالعاده أستندلت مع اسماء
عشان كانت عاوزه تقعد فى مكان كده
اول لما طلعت قعدت فى المكان ده
نزلنا كتفنا مش حاسين بيها
وفضلنا يومين بعديها بالمنظر ده

وسمر تبصلنا وتضحك وتتريأ علينا


نيجى للتوب سبين
ها يا سمر هتركبى
مش عارفه
انا خايفه
هى بتوجع ؟؟؟؟
يادى بتوجع اللى انتى مسكهلنا من اول اليوم
طلعناها بالعافيه
وبعد ما طلعنا وخلاص اللعبه هتشتغل
تنادى ع الراجل وتقوله نزلنى
نزلنى مش راكبه
المهم اللعبه بدأت

واستمتعت جدا
والدور كان شغال وهى تقولى انا مش خايفه خالص
وهى مش بتوجع على فكره
الحمد لله ياسمر انها مش بتوجع


وأخيرا السفينه
لعبه سخيفه جدا
وكملت بأن أمنية السيسى قعدت جنبى فيها
فضلنا فى الأول نضحك وكده
وفجأه لقيت راس أمنيه اترزعت على كتفى
فضلت أفوق فيها
وأقولها انتى بجد أغم عليكى ولا بتشتغلينى
بعدها فضلت تعيط قلت لا ده بجد
أمنيه فوقى
ياعم وقف
والراجل بيبتسم
كأن ده عادى ( عدى علينا كتير )
وفاقت أمنية
طبعا معانا شىء ذنان اسمه سمر
يالا بقه عشان خالو هيزعق

أسماء تقولها فى ايه يا سمر انتى قارفانا هنا وهناك
المهم طبعا اضطرينا كلنا نروح عشان الهانم مش هتمشى لوحدها
سبقت انا وسمر
وأسماء مشيت مع أخواتها
بقولها يالا يا سمر سلام بقه عشان انا هدخل سينما
قالتلى متأخر كده
قلتلها اه ماهو ابن خالتى معانا
يااااااااه يا بختكو
بكلم محمد
يالا يا محمد أجهز عشان ننزل
لا مش قادر خلاص بقه خليها يوم تانى
واتفركش الموضوع
كل ده بسبب ان سمر بصلتنا فى الخروجه


وصلنا عند سمر البيت
وقفت انا واسماء نرغى مع أختها شويه
وعكينا أخر حاجه
فاكرين لما سمر جابت فى ماده 4 من 30
أتريها مكنتش قايللهم
بس احنا طبعا قمنا بالواجب و قلنا كل حاجه
وأختها كانت مفروسه منها جدا
طيب يالا يا سمر
ليله سعيده
مشيت انا واسماء وبنضحك على عكنا
وقلنا هنتصل بسمر الصبح نطمن عليها عشان شكل اختها مكنش مطمنا

*****

(سمر)

فى السينـــما

يوم السينما بقى
كان يوم شديد
تخيلوا
داخلين حفله 12
وخارجين 2 وشويه
:D
قبلها كنا في سيبر
اول مره ندخل سيبر غير سيبر الكليه
لو نعرف ان المصيف بيعمل كدا
بس يالا
كان في حاجه كدا وكان لازمن نخلصوها

فريق الانتقام المروع كان بيستعد

دخلنا فيلم حسن ومرقص
الفيلم كويس والله
كنت قاعده جنب اسماء وورانا عمو صلاح ووراه بقى الست ريهان
كنت باكل انا واسماء حاجه غريبه كدا مش فكراها
السينما ذات نفسها بقى
رديئه رديئه رديئه
كأنك قاعد في صالون بيتكوا بالظبط
ياربى
ولا في تكييف
والجو حر

والكراسى بلاستيك
وكلها جنب بعض
وشاشه العرض جايه من القرن ال 18 ووقعت في القرن ال 21 غلط

عمو صلاح جايلى صوته من ورا بقى
كل شويه

( منك لله يا ريهان)

( منك لله يا ريهان )
بنفس اسلوب الراجل اللى كان في فيلم جاءنا البيان التالى
حسبى الله ونعم الوكيل

الجمله طالعه من قلبه من قلبه يعنى
:D
خرجنا من السينما
قعد يقولها يابنتى السينما دى كانت قهوه زمان
ياريتنى ما سمعت كلامك
(منك لله يا ريهان )
فضل طول المصيف كل ما يشوفها يفكرها بالسينما

لقيت عماد ابن خالى بقى واقف مستنينى
اشتريت انا وهو برنيطه ليا
وخدنى وروحنا

كان واقف مستنينيى بالعربيه

وهو اصلا لسه متعلم السواقه يدوب

كملت معاه مسيره الملاهى بفى

:D

***

ع البحر

( أسماء بتحكى )

ع البحر بقى كانت احلى قعده
كنت بروح انا وسمر بدرى وريهان كانت بتحصلنا
قريت لسمر حاجات كدا كنت كتباها
وهى قريتلى حاجات كدا كانت كتباها
ورغينا عن حاجات كدا كانت جوانا
وجت ريهان ورغت معانا
عادى بقى بحر كدا وسما وشمس ومحدش معانا
:D
:D
ركز وا بقى كدا
امنيه اختى طلعت سندوتش من الشنطه
عادى يعنى
واحده جعانه وهتاكل
بتقول لريهان
ريهان امسكى السندوتش دا
ترد ريهان
لا لا يا امنيه مش عايزه
امنيه تديلها السندوتش وهى مستغربه
ترد ريهان
لا يا بنتى والله ما عيزه
حتى يا ربى مش مديه فرصه لامنيه انها تتكلم
امنيه تقولها يا بنتى بقولك امسكيه بس
تقولها مش جعانه والله انا لسه واكله
الله يخربيت كدا بقولك امسكيه على ما اقفل الشنطه متاكليهوش
انا اللى هاكله وربنا يا ريهان
فين وفين بقى على ما ريهان فهمت
ذكيه من يومها
بابا كلملنا مى وقعدنا نغيظها
والبنت خلاص يعنى كانت هتعيط
كان نفسنا بجد تكون معانا

كانت هتعمل جو جديد خالص
بس سبحان من جمعنا من غير معاد كدهه
دا دليل على ترابط القلوب والله
العيال دول انا بحبهم بجد بجد بجد
في اليوم دا بقى سبحان الله سبحان الله بجد
روحٌنا
لقينا الغدا عند كل واحده فينا سمك
:D:D
جميله والله الصحوبيه


****

ريهان بقى كانت اول واحده روحت
بعدها انا
بعدها السوسه اسماء
واخده حقها كدا في كل حاجه
:D
بس كان اسبوع متعه

احلى ما فيه انه جه من غير ترتيب

تلاقيكوا بتدعوا علينا بعد التدوينه الطويله العريضه دى

:D
معلش
تعيشوا وتقروا

ونختم كلامنا ببيت شعر كتبته غفير الشعراء ( على راى ريهان

سمر ماهر

كانت بتقول

سمر وأسماء وريهان

تلت قطع سكر فى كوبايه شاى

مع السلامه بقى عشان احنا انهارده العيد وماما لو شافتنى ع الكمبيوتر هتحطنى فى الخلاط

كل سنه وانتوا طيبييييييييييييين

حسانى مش انا

عاوزه اروح بعييييييييد لوحدى

يوم فانتاستيك مع كل الطلبه

يوم افطار كل الطلبه

بجد اسعدتمونى
:D

مبسوطه اوى انى اتعرفت على ناس بقالنا اكتر من سنه وشويه
مقضيينها ماسنجر

وناس كنت بشوف اسمهم ع المنتدى تخاطيف

بجد يا عيال كان نفسى اشوفكوا
ايس ( ضحى هانم
حور الجنه
حفيده محمد

قبس من نور
روعه( منه صابر
تينجو برينجو
زهره الجبل
يقين( أسماء العريان
كليوباترا ( سميه هانم برده
فرح القلوب ( مروه
اوفيليا
البنا إمام الجيل
معكم ( ريــم
نداء الاسلام
روميساء واختها التوأم
ميس حقوق


وروزاليندا :D
c'est moi

ولا هزعلك يا كليو

كان نفسى اشوف ناس تانيين كتير
:(

الحفله كانت كويسه
والاسكتش اللى اتعرض كان رااااااااااااااااااااائع
وبالذات
مندوب ساحه يالا نحب اى حد :D
ورنات الموبايل :D
منتدى كل البنى آدمين
المنتدى وقع وحلمبوحه مش هيلاقى موقع يهاجمه
:D:D:D:D
كان جميل جدا

ايس وكليو عملوا احلى شغل
بلاش فضايح بقى :D
خلى الناس فاكرين انه كان احلى شغل

روعهـ
مبسوطه اوى اوى انى شوفتك يا سكره
انتى اينعم خدتينى في دوكه أول ما شفتينى
واربكتينى ومخلتنيش اعرف اعرفك :D
بس يالا مش مهم
بحبك جداااااااااااااااااااااااااااااااااااا
اااااااااااااااااااااااااااااااااااااااااااااااااااااااا

ضحى
اراهنك ان اكنتى اديتى لكليو الهديه بتاعتها
طماعه طول عمرك

على فكره ال 12 الف جنيه اللى هتدفعيهم في درس الباطنه
انا اولى بيهم
:$

مش لازم تجيبيهم كلهم
كفايه 10 مثلا
يجيبوا عربيه فولكس زى القرده
موديل باسات مثلا
بصى هاتيهم وانا هتصرف
:D
هكمل عليهم
يا مفجوعه ياللى قعدتى تاكلى نص ساعه
انتى وسميه
مع ان الفرخه كانت متاكله قبل كدا 10 مرات

:D
رجعت البيت بقول لماما هاتيلى كل اللى في التلاجه اكله
هموت م الجوع يا ناس
:D

أروى

مبسوطه انى عرفتك يا جميله

بجد
كان يوم مذهل
احلى ما فيه اننا شوفنا بعض

يارب اجعل صحبتنا صحبه خير


المهم ان كميه الانبساط والفرحه اللى كنت فيها دى

جت واحده ربنا يسامحها شفطتهم منى فى المترو

:D

الكلام بدأ بانها معجبه بالعبايه اللى انا لبساها وجبتها منين

دخلنا فى قصه الهلالى بقى

تعرفى ان انا مخطوبه لوحد بيختارلى كل لبسى

انا فى نفسى ( ياستى ربنا يخليهولك حد يكره

بس احنا فسخنا الخطوبه على فكره

انا ( لا اله الا الله وانا مالى

معلش ولا يهمك اكيد خير وربنا هيعوضك

راحت معيطه ننن

يالهوى هو انا ناقصه

يا حبيبتى ولا يهمك والله العظيم ما فى حاجه تستاهل انك تعيطى

شويه وكنت هعيط معاها )

اصل انتى متعرفيش دا اهله كانوا مش كويسين

طيب اديكى قلتى اهه الحمد لله بقى

اصل انا كنت بحبه

والله ساعتها كنت عايزه ارمى نفسى تحت المترو

بصوا كفايه عليكوا كدا

:D

معـــاً يأتيــان

فرحكم هو حزنكم مجرداً من القناع..

ونفس البئر التي كانت ترتفع منها ضحكاتكم،

كانت مليئة بدموعكم في أكثر الأحيان..

عندما تحس بالفرح، أنظر عميقاً في قلبك،

وسوف تجد أن ما أعطاك حزناً في السابق،

وحده الذي يعطيك الفرح الآن.

.عندما تشعر بالحزن

، تطلع ثانية في قلبك

، وسوف ترى أنك في الحقيقة تبكي من أجل ذاك الذي كان بهجة لك.

''.البعض منكم يقول: "الفرح أعظم من الحزن"

''ويقول آخرون: "كلا، بل الحزن هو الأعظم

لكنني أنا أقول لكم

لا يمكن الفصل بينهما

معاً يأتيان

وحينما يجالسك واحد منهما بمفرده على الطاولة

تذكر

'' أن الثاني ينام في سريرك "

جبران خليل جبران

ايــا مين يشوفلى مشترى ...للحب ...ويكون مفترى

التدوينه

هــنــــــــــا

ســــمر عملـــــت نصيبـــه

تبدأ حكايتنا بخروجنا من الامتحان يوم الحد
ركبنا المترو انا وهبه ونهله
وطبعا طبعا نهله طول الطريق واجعه دماغى بحكاويها عن المسلسلات الكوريه وانها بقت تحب الكوريين اوى وناويه تتعلم كورى كمان


..........................

المفروض انى هروح على خالو لان عندى امتحان تانى يوم
وما ادراكم يعنى ايه انى هروح عند خالو
يعنى تفضل تطلع في السلم لحد ما نفسك يتقطع
وتحس انك جالك اعراض تعب متكرر _ الله يمسيك بالخير يا دكتور شريف _

*****

اتغديت انا وامينه مكرونه بالبشاميل وسلطه ولحمه وملوخيه

*****

امينه انا هدخل انام وصحينى سبعه
اوك؟
اوك

***

سمر قومى الساعه سبعه
هقوم اهه خلينى شويه

سمر قومى الساعه سبعه وربع
حاضر يا امينه قايمه اهه

سمر قومى الساعه سبعه ونص
يووووووه خلاص قمت

***
بدأت اذكر في الاوضه
خالو كان نايم
صحى سلم عليا
قالى اخرج اذاكر في الصاله

لان النور في الصاله اقوى

لا يا خالو خلينى هنا
يا بنتى اخرجى ذاكرى بره دانا شايفك بالعافيه
لا والله انا مستريحه
طبعا زعق
حاضر يا خالو انا قايمه اهه
وخرجت زى القطه ذاكرت بره
امينه طبعأ اتريقت عليا وقالتلى ناس مبتجيش غير بالصوت العالى
لان هى كانت بتتحايل عليا اخرج

*****
امينه قاعده ع الكمبيوتر
كل شويه صوت الماسنجر
طالع نازل طالع نازل طالع
اللى دخل واللى خرج اللى خرج واللى دخل
انتى يا تحفه وطى صوت الكمبيوتر الماسنجر صوته بيعذبنى
حاضر خلاص اهه

*****
طنط عملتلنا لمون وشربناه
جابت بيبسى وشربناه
قطعت كنتالوب وكلناه
حضرت العشا وفرمناه
وانا اكلت كنتالوب تانى بس امينه مكالتش :D
بصراحه ليها حق انا اللى مفجوعه

كل دا انا وامينه بس ......من 8 ل 12

حكيت لامينه لما نسرين كانت بتيجى تقعد على الكمبيوتر بعدى وتقولى بحس انه كان في وحش عملاق قاعد هنا
من كميه الاكل والعصاير واللب اللى بتبقى جنب الكمبيوتر
****

جت الساعه 12

*****

يالا قومى
اقوم ايه مش قايمه
قومى يا امينه متستعبطيش
مش هقوم يا سمر

خناقات طبعا ع الكمبيوتر
لقيت نهله داخله ع الماسنجر بتاع امينه

نهله انا سمر
انتى قاعده بتعملى ايه يا نهله ؟
مش وراكى امتحان

___ ركزوا معايا في ذكاء نهله في الحته الجايه _

سمر هو في حاجه اركز عليها
انا مش معاكوا يا نهله

ايوا يا امينه انا عارفه انا بكلم سمر

نهله انا سمر اللى بتتكلم انا بقولك مش معاكوا

في حاجه طيب اركز عليها

يا بنتى والله العظيم ما معاكوا انا صحافه وانتوا اذاعه

طيب بصى

في حاجه اركز عليها؟

يخربيت اليهود يا نهله يا بنتى انا مع د هناء انتوا حد تانى

_ امينه طبعا قاعده فطسانه من الضحك علينا _

لقيت نسرين اختى داخله

اختى عملت ايه في الامتحان يا بنت
اختك مين
اختى سمر اللى عندكوا

سمر !!!! ( طلعوا سمر من التلاجه يا رجاااااااااااله )

****
خلصنا فقره الماسنجر
******
قريتى الكتاب اللى بعتهولك يا امينه
بتاع الرجال من المريخ والنساء من الزهره؟
اه
اه قريته جميل اوى

*****

امينه هو دا الفجر ؟؟؟
لا دا اذان قبل الفجر

امينه هو دا الفجر ؟؟
لا دا اذاان قبل الفجر


امينه

هو دا الفجر ؟؟
لا دا اذاان قبل الفجر

عاوزه انوه بس
ان امينه دى عباره عن ال blood

اللى بيمشى في شرايينى واللى القلب بيضخه للجسم كله

سمر دا الفجر على فكره
بجد ؟
اخيرا
صليت ونمت وخالو صحانى وفطرت وشربت اللبن ولبست وخرجت وقابلت السيسى ومى في المترو وروحنا الامتحان

********************************


كوووووووووووووووووووووووول دا كوم واللى جاى كوم تانى خاااااااااااااااااااااااااااااااااااااااااااااااالص


الامتحان في ماده الرأى العام
الماده اللى انا جبت فيها 4 من 30 في الميد تيرم
وتقريبا الدفعه كلها الا من رحم ربى جايبين درجات منيله
الدكتوره كانت بتنتقم مننا عشان نرفزناها في محاضره


الماده بتنقسم بين دكتوره راجيه _ ربنا يسامحها بقى جوزها لسه متوفى _ ودكتور ه هناء

دخلت الامتحان
بفضل الله جاوبت كويس اوى

*********************

نيجى بقى للنصيبه اللى انا عملتها


اختكم هتتفقع من ساعه ما عرفت انها جايبه الدرجه دى

كانت هتصاب بسكته قلبيه لما شافت في ورقه الدرجات درجتها

بس ان جيتوا للحق
اطمنت شويه لما لقيت اسامه الرشيدى جايب 3
ومحمد عبد العزيز جايب 2
_ لمؤاخذه يا جماعه يعنى _

احساس حلو لما تحس ان في حد وراك
حسيت انى متفوقه على راى اسماء


نيجى للمهم
انا خلصت الامتحا ن

وقاعده اقول
اكتب ولا مكتبش

يارب اكتبها ولا مكتبهاش

ياااارب اعمل ايه

ممكن تودينى في داهيه لو كتبتها

اعمل اييييييييييييه


المهم بعد تفكير طويل قررت انى اكتبها في ورقه الاجابه



رساله خاصه

في الحقيقه لقد ترددت كثيرا قبل كتابه هذا الكلام
فأنا لا ادرى ما هى عواقب كتابه رساله كهذه فى ورقه الاجابه

ولكن لولا شده ايمانى بان د هناء ستقدر ما اشعر به ما كنت شرعت في كتابتها

كنت اريدها ان تصل الى دكتوره راجيه ولكنها لم تعط لى الفرصه ولم تعطها لاحد من زملائى

انا لا ادرى ما سر الدرجات المشينه التى اخذناها في امتحان نصف التيرم

هل هذا جزاء الاحترام والتقدير ؟
ام انه جزاء حضور جميع محاضرات د راجيه؟؟
ام انه جزاء المذاكره والبحث في المراجع والكتب للتزود بالمعلومات ؟؟

لم نؤخذ بذنب غيرنا ؟؟؟

يقف الكلام على لسانى فانا لا اريد ان اقول ما يؤخذ على

وفى النهايه

اكن لكِ كل الاحترام والتقدير

نسيت ان اقول ان الصفر كان اكرم لى من هذه الدرجه لاننى في هذه الحاله كنت سأصبح متأكده من ان دكتور راجيه لم تفتح الورقه ولم تر اجاباتى ولكن مجرد انها اعطتنى هذا الرقم فهذا دليل على انها فتحت الورقه ووجدت بها ما يستحق هذه الدرجه




بس والورقه خلصت

فعلا فكرت كتير قبل ما اكتبها
بس انا عملت اللى عقلى وصلنى ليه
فعلا كنت مفروسه

تروح الماده متروحش بقى

المهم انى استريحت

ومكنتش بطلب اى حاجه على فكره في الرساله
مجرد تعبير عن احساس

لو لقيتونى في يوم محطوطه مكان الحرف الواقع في اسم الكليه
اعرفوا انه بسبب ماده الراى العام

وانا هقوم بقى علشان شروق واقفه بتتنطط جنبى

_ الكائن اللى فى الصوره فوق _

عاوزانى العب معاها كوتشينه

سلام عليكم

قررت أرتـــب دولاب هدومـــــى

استجابه لمطالب الجمهور واولهم ست الكل بتطبيق دولاب الهدوم الخاص بى
قررنا نحن _ سمر ماهر _ القيام بهذه الخطوه الجريئه
مع الاخد في الاعتبار انه شىء لا يحدث الا كل عام عند تبديل الملابس باختلاف الفصول

في الحقيق لقد سئمت التفكير واحترت كثيرا
رغبه شديده في تغيير نظام الدولاب تراودنى
لن اتعبكم معى فلقد وضعت تصورا معينا في ذهنى
ولن يستغرق هذا وقت في التفكير معكم _ أتحسد _

ولكـــــــــــن
جدير بالذكر انى قررت ان اخصص رفاً كاملا للبيجامه الاخيره التى اشتريتها العام الماضى بمبلغ وقدره
_ لن اخبركم به حتى لا يصاب احد منكم باغماء فورى وضيق تنفس كما حدث لامى _
في حقيقه الامر لقد تحققت ظنون امى بها
فلقد أصبحت كملابس الاطفال نتيجه لغسلها مرتين
لا ادرى من اى قماشه صنعت هذه البيجامه اللعينه
لماذا لم يكتبوا عليها _ غير صالحه للغسيل _

سمر مشوفكيش لبساها ادام حد
حاضر يا محمود دا طبيعى يعنى _ مش طبيعى ولا حاجه _

ولــــــكن

ما حدث قد حدث وانقضى
ولا فائده من البكاء على البيجامه المغسوله
ساضعها في رف خاص بها حتى اتحسر على شبابى كلما نظرت اليها
وهذا أقل عقاب

سأعيد ترتيبه من جديد
سأضع كل شىء بمكانه
ربما تكون خطوه لجعل امى راضيه عنى

بصراحه

كل دا كان فشنك _ ماعدا البيجامه طبعا _

انا مش هرتب الدولاب ولا حاجه
أنا هرتب حاجه أكبر من كدا
كان نفسى اعمل الخطوه دى من زمان بس دايما كنت بقف ومبكملش
ممكن تقولوا قله عزيمه
ممكن تقولوا قله عقل _ مع ان ضروس العقل كلها طلعتلى في اعدادى _
ممكن تقولوا انشغال _ ودا واخد عامل كبير _
ممكن تقولوا مفيش جدوله مفيش نظام مفيش حد كان بيساعدنى

لكن
عاوزه اقول
انى
قررت
ارتب

حيــــــــــــــــاتى

حتى لو هواجه الصعوبات لوحدى
حتى لو كلهم احبطونى وقالولى انى مش هتغير
لا
انا هتغير
هعمل جدول وهمشى عليه
هتحدى نفسى

هنظم وقتى
هخلى حياتى احسن
مش عشانى لوحدى
عشانهم هما كمان
حياتى مش بتاعتى لوحدى
واذا كان انا ليا حق عليهم
فهما ليهم حق عليا

الانترنت مش هياكل وقتى تانى
اذا كان بابا زمان بيشيل فيشه الكمبيوتر من ادامى عشان اقوم اذاكر
وابصله واعيط واقول صدقنى مش هيجيب نتيجه انا عارفه وكنت ببقى مضايقه من نفسى عشان مش قادره اتحكم فيها
الا انه فعلا كان بيجيب نتيجه

كنت بضايق شويه لكن كنت بقوم اذاكر وكأن شيئا لم يكن
وهو دا اللى انا هعمله
اذا كان التدرح مش جايب معايا نتيجه
فأنا هشيل فيشه كل حاجه بتضيع وقتى
واذا ماجبش نتيجه
هفصل الكهربا كلها :D
مش هخلى ماما تقولى تانى
_ اللى كان بيأثر عليكى راح_

انا أدها
ومش هضايقهم منى تانى
_إن لاهلى على حق _

والاجازه جايه ومش هخليها تعدى منى الا وانا مستفيده منها احسن استغلال

بجد
هبطل التفكير في اى حاجه ملهاش لزمه
انا مش ملك نفسى

ومن انهارده

انا
قررت ارتب حياتى

وعقبال الدولاب بقى

وربنا معاكى يا سمر محمد ماهر _ بابا اسمه مركب

الشهيره بسمر ماهر

تجدونى على النت باسم روزاليندا

للاستعلامات اتصل على هاتفى الخاص