Wednesday, June 13, 2007

التاج الاول






الحمد لله خلصت



دا تاج وصلنى من المجاهده

واول تاج على المدونه المهجوره دى



نبتدى بقى



استعنا ع الشقا بالله


من هو:أحب شخص لقلبك فى الدنيا؟




امى

احلى حاجه فى حياتى



انسان مستعد تضحي بحياتك –ركز فى كلمة حياتك- عشانه؟

حصلت قبل كده



كانت ماما برده

كانت هتغرق وانقذتها




اسم اخر حب(حتى الان)



محمد

رسول الله



الحمد لله وصلت للمرحله دى



كنت دايما بدعى انى اوصل لكده وبفضل الله وصلت



( حمداا لله على السلامه



نسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

لا اله الا الله

ودا من ايه

على العموم يعنى مش دى طبيعتى فى القتل

انا ليا اساليب تانيه

وانا فى الخدمه دايما

اتصل على

0900

وانا هلم الرجاله واجى

ما هو :اسم أجمل كتاب كتبه بشر قرأته ومحتفظ به حتى الان

الله



عندى كتاب اسمه

اغاثه الامه بكشف الغمه

الكتاب ده دمااااااااااار

للمقريزى



كان عند خالو من ايام الدراسه بتاعته

من 30 اربعين سنه كده

والكتاب يعينى متبهدل وحالته فظيعه

بس عاجبنى اوى اوى اوى



اسم كتاب-كتبه بشر برضة- انت متعلق بيه وبتقرأه كل فترة؟



تقريبا نفس الكتاب

اصله طويل اوى وكل فتره لما اقرأ حاجه



ممكن نقول برده كتاب السيره النبويه

لابن هشام

اهم جهاز منزلى انت متعلق بيه او بتستخدمه كتير ؟



الخلاط

بعد اللى ميتسماش طبعا



شىء تحس بالراحة النفسية عندما تنظر اليه



والله السؤال ده غلبنى



بس يعنى ممكن نقول الاطفال



مكان تحس بالراحة عندما تدخله ؟

اوضه بابا وماما



بالرغم من انى بدخلها فى اليوم اكتر من عشروميت مره



بس نقول ايه بقى



اجمل مدينة زرتها داخل مصر



مرسى مطروح



ما شاء الله



سبحان الخالق



أجمل مكان طبيعي رأيته داخل مصر؟

ممكن نقول شاطىء عجيبه فى مرسى مطروح برده



تبارك الله

روعه



انا كاتبه اسمى هناك على فكره

اول جبل على ايدك الشمال



نوع هاتفك المحمول؟

نوكيا

المساحة التى تشغلها المواد الاسلامية على جهازك ؟

والله مش كتير



انا لما بحب اسمع حاجه بسمعها اون لاين من على النت

لكن الحاجات اللى على الجهاز مش كتير



نفس المساحة السالف ذكرها فى قلبك-الاجابة لنفسك عشان الرياء يا اخواننا ؟



طيب ماشى

أهم هدف انت واضعه لحياتك دلوقتى

انى احفظ كتاب الله


صف ما يأتى :شعورك لما بتسمع كلمة مصر؟



بدعيلها ربنا يصبرها علينا
بس بحبها والله

شعورك لما بتسمع كلام عن اليهود

ربنا ما يوريكوا
صدق الرحمن
ولتجدنهم احرص الناس على حياهِ

شعورك لما بتشوف ظابط شرطة ؟

عادى مبحسش بحاجه بصراحه

شعورك لما بتشوف الكناس العجوز فى الطريق ؟



بشكر ربنا على النعمه اللى انا فيها



بالمناسبه بقى

واحد بيكنس دايما ادام البيت عندنا



فى الشارع يعنى



فماما دايما وهى نازله بتديله مبلغ

فهو كان بيقولها انه كان مسيحى واسلم وهى طبعا بقت تزود المبلغ

تانى يوم اكتشفت انه كذاب

وانه ولا كان مسيحى ولا حاجه



ومن ساعتها

ايديها مبقتش تتمد فى الشنطه



لمن ترسل هذا التاج ؟؟

فلسطينيه الهوى مصريه الارض (ايه

مطبات (محمد رفعت
على فكره فى اسئله كتير انا مجاوبتش عليها
اصل دى المره الرابعه ابعت البوست ده
كل مره كان يحصل حاجه
ولذلك انا مليت منه
بس خلاويث
سلام عليكم


13 comments:

Alaa said...

أول واحد !
ممتاز
قال مدونة مهجورة قال

اجابات جميلة بس ايه سبب الراحة في اوضة بابا و ماما
هههههههه
و واضح ان ما شاء الله في هنا بطلة سباحة و منقذة

و انا كمان كاتب اسمي في عجيبة على فكرة بس على المية
بخط كبير
يارب ميتمسحش

ربنا يباركلك و يوفقك يارب

The Manager said...

السلام عليكم

إجابات حضرتك جميلة

ومش لازم اعلق قوى

لكن اقدر اقول ان الكتب إللى حضرتك بتقرى فيها فعلا جميلة جدا ماشاء الله

ربنا ينفعك بيها فى الدارين

آمين

أحمد بن شلبي تكعيب said...

ماشاء الله ... اجابات ممتازة

.......
بس ... يعني ... هو ... في ...استفسار ... صغير

هل ... من ...الممكن ... والمعقول ... ان ... انت ... لما ...تمري ... من .. قدام .... ظابط .... شرطة ... مش ... بتحسي ... بحاجة .... خالص ؟؟

............

ان شاء الله احنا منتظرين التدوينات الجامدة في الصيف

أحمد بن شلبي تكعيب said...

انا ... بكون ... كتلة ... من ... المشاعر ... المغلية .... لما ... اشوف ... ظابط .... بدبور .... قدامي

سمـــر مــاهر said...

اخى علاء

جزاك الله خيرا

هو انا يعنى مش سباحه اوى حاجه على قدنا كده

ربنا يعزك يارب

**********

The Manager

الكتب دى فعلا من احسن الكتب اللى قريتها
ولا يمكن عشان انا تعبت واتحايلت كتير عشان اجيبهم

مش عارفه :D

ربنا يكرمك

**********

الزميل احمد بن شلبى

بالنسبه لضابط الشرطه بقى

مش كلهم مش كويسين

مش كلهم بالصوره اللى فى خيالنا

انا حكمى دا على اساس ان مش كل الناس زى بعضها
ولكل قاعده شواذ

وان انا قبل ما الوم الظابط ده
لازم الوم نفسى قبليه عشروميت مره
واضربها بالجزمه كمان

من هنا كان احساسى انى مبحسش بحاجه لما اشوف الظابط

هى وجهات نظر واحاسيس

جزاك الله خيرا

ربنا يكرمك


سلام عليكم

عمرو المصري said...

علي فكرة اجاباتك لذيذة قوي ومختلفة

مع انها............

لكن معلش

انت كنت وعدت تروحي هناك وتدخلي برجليكي لارض الحرب
قصدي يعني تدخلي بالماوس علي ارض الحرب


انا مستني تنفذي عهدك
بس خلي بالك انت مش رايحة اي حتة
انت رايحة
في
مملكة النار

ارض الحرب

سلااااااااااااااام

محمد رفعت said...

ردود جميلة
ربنا يكرمك وينفع بيكي

سمـــر مــاهر said...

عمرو المصرى

جزاك الله خيرا

وباذن الله اكيد هزور ارض الحرب

*****

محمد رفعت

جزاك الله خيرا

مدونه مطبات مش عارفه ليه بتخلى الجهاز يهنج


يالا الحمد لله


سلام عليكم

sasa said...

السلام عليكم و رحمة الله و بركاته/
اجاباتك حلوةيا روز...يا ربت تحطي بقية الاسئلة و اجاباتك في topicكمان.ربنا معاكي.
yallaالسلام عليكم.

فلسطينية الهوى said...

حلوة ردودك يا روزا


هتغاضى أني مش آخر حب في حياتك


وهجاوب عالتاج :)

الطلحاوى said...

السلام عليكم ورحمة الله وبركاتة

معلش اعتذر انى مش باجى هنا اساسا ولا بعتب رجلى فى اى منطقة دة

بس الحمد لله

كانت ظرووووف وعدت بحمد الله


بس ان شاء الله هكون مداوم هنا على طول


نكلم بقى عالتدوينة

اجابتك ماشاء الله رائعة

ربنا يوفقك ويوفق الجميع ان شاء الله


يلا السلام عليكم

المجاهدة said...

يا خبررررر
انا متأخرة جدااا خالص يعني اوى بجد
:(:(

اجاباتك سكر اوى:d
الخلاط ده جامد اوى :d

و دي
انا كاتبه اسمى هناك على فكره

اول جبل على ايدك الشمال

:lol:


ربنا يكرمك يا رب
:):)

هبههههووب said...

السلام عليكم

مدونتك حلوة اوى يا روز والموضوع دا كما ن حلو وردودك تحفة
ومن الواضح انك انسانة روحك حلوة للغايه..و متدينة

ربنا يوفقك لما يحب ويرضى ويسعد ايامك يارب