أمى
اختى
زوج اختى ( ابن خالتى برده
خالتى
زوج خالتى
هيطلعوا الحج السنــــــــــــــــه دى
انا سعيده جدااااا
مش متخيله ازاى العدد ده كله يتجمع مره واحده
لا وكلهم فى مكان واحد
يعنى هيبقوا مع بعض طول الحج
بقول لماما انتوا مش طالعين تحجوا انتوا طالعبن رحله
:D
لا وخالتو كانت هتطلع السنه الجايه
شويه محايله من ماما بقى وظبطوا الموضوع\
خالو كان قاعد امبارح بيكلم ماما
هو حج السنه اللى فاتت
كان بيحكيلها
بيقولها
اروع لحظه ممكن تمر عليكى فى حياتك
لحظه وقوع بصرك على الكعبه
يااااااااااااه
سعاده الدنيا بحالها مش هتكفيكى
ولا يوم عرفات قبل الغروب بساعه
كم رهيييييييييييييب من الناس
تحسى انك فى يوم القيامه
وصوت البكاء عامل زى الزلزال
فاضل على الغروب ساعه
كله عاوز يلحق
وبيحكيلها على رمى الجمرات
بيقولها اصعب مرحله فى الحج
كان واحد جنبه بيرمى الجمرات
وبيرفع ايده بقى بكل قوته
ودب
فى عين خالو
بيقولها انا حسيت انى اتعميت
:D
بقول لماما
اول عيد يعدى علينا من غيرك انتى وبابا
:)
تانى حاجه بقى مفرحانى برده
ان ماما خلاص سوت معاشها
ومش هتروح الشغل تانى
يعنى هبقى انا وهى
home alone
وهتساعدنى فى شغل البيت
:D
وهتزودلى الرز عشان اخويا ميتريأش عليا ويقولى دا رز ده ولا عجينه
:)
( بس والله امبارح اول يوم يعترف ان الرز فعلا لا يعلى عليه:D
اخر حاجه بقى واحسن حاجه
بعد المحايلات والمداولات والمؤتمرات
وتقبيل الايادى
وكنس الشقه مرتين فى اليوم بالمكنسه ام دراع مكسور
وافقت ماما
ووعدتنى
انها
هتتطلعنى
مع
خالو
العمره
السنه
الجاااااااااااايه
:D:D:D:D
قلبى هيقف من كتر الفرحه والله
الحمد لله
الحمد لله
Falling hearts Here
11 comments:
بصراحه انا اول مره ادخل هنا
وان شاء الله مش هبطل ادخل هنا
انا بعد اذنك ضيفتك عندي لو معندكيش مانع يعني
ربنا يسعدك كمان وكمان
اتمني زيارتك في مدونتي
تحياتي
مبروك ليهم يا سمر
ومبروك ليكي العمرة ان شاء الله
وان شاء الله يطلع الرز مش معجن تاني :)
السلام عليكم و رحمة الله وبركاته/
ربنا يكرمك يا سمر و يكتبهالنا جميعا -ان شاء الله-.بس يا ريت تروحوا و ترجعوا من غير عبارات..صيح هم يضحك و هم يبكي.
و كويس -ما شاء الله -انك واصلة للمستوي ده من الروحانية.
yallaالسلام عليكم.
:D:D
rabena ykrmk ya sannoor yarab
oslobek sokkar asasan
khodeeny m3aky el sana el gayyaaaaaaaaa
don't forget me plz
مصائب قوم عند قوم فوائد
امك هتقعدمن الشغل وتطلع عالمعاش وزمانها مكتئبه
وانتى عاوزه الرز يطلع مش معجن
بكره تندم يا دميل
وتقولى ولا يوم من ايام الرز المعجن
عالعموم الف مبروك ليهم
وقولى لخالك انه عنده حق
على فكره انا جوز اختى ابن خالتى برضو
شوفى الصدف
واسمى سمر برضوه
الحمد لله حمدا كثيرا طيبا مباركا فيه
فعلا انت تستحقي كل خير
ربنا يكرمك
السلام عليكم ورحمه الله وبركاته
دى اول مره اكتبلك فيها يا سموره
بس يا رب تكونى عارفانى
وربنا يسعدك كمام وكمان
ومتزعليش ان الرز بيطلع معجن
فى ناس مبتعرفش تعمل اساسا
mermaid
كده ممكن تعرفينى
يلا سلام
الف مبروك ليهم يا اختنا
وعقبال السنة الجاية لما تكونى معاهم ان شاء الله
ألف مبروك ليهم
وافرحى أه لكن مش لدرجة انك تخلى قلبك يقف
بالراحة على نفسك يعنى
تحياتى
مبروك خالص مووت على الحج لأهلك كلهم
ومتنسيش تقولى لطنط تدعيلى من دلوقتى ليوم عرفة
:)
ومبروك لك على العمرة
ومنتسيش تدعيلى بردوا
هبقى اديك ورقة كدا فى كل الدعوات اللى انا عاوزاها
:D
وربنا يلطف بأهل البيت من عمايل ايدكى
وربنا يعينهم ويقوهم على التحمل
Post a Comment