سيناء .............يا أرض طهرتها دماء اجدادي

كتبت نهله محمود

بسم الله الرحمن الرحيم

بعد الصلاة والسلام على النبي الكريم

السلام عليكم ورحمة الله وبركاته

مبدئيا وقبل أي كلام ...............هل تعرفون ما هي سيناء أصلا؟

ممكن نقول كلام جغرافيا شوية عنها وهو كالآتي:

شبه جزيرة سيناء صحراوية في مصر بين البحر المتوسط و خليج السويس و قناة السويس و البحر الأحمر و خليج العقبة. تربط أفريقيا بآسيا. ويحدها من الشرق فالق الوادي المتصدع الممتد من كينيا عبر القرن الأفريقي إلى جبال طوروس بتركيا. وهذا الفالق يتسع بمقدار 1 بوصة سنويا.
و مساحتها 60,088 كم2 ويسكنها 380,000 نسمة.
قاعدتها العريش. تنقسم إلى العريش في الشمال و التيه في الوسط و الطور في الجنوب حيث الجبال العالية أهمها جبل موسى 2,285 متر و جبل القديسة كاترينا 2,638 متر (أعلى جبال في مصر) و في هذا الجبال في دير سانت كاترين و كنيسة غنية بالآثار والمخطوطات بناها جوستنيان عام 527 .
وتضم محافظتي شمال وجنوب سيناء।

تمام كده........ده تعريف جغرافي جاف جدا عن سيناء الحبيبة من الموقع المعلوماتي ويكيديا

أما عن تعريفها عندي أنا كإنسانة مصرية..............هي قطعة مني طالما أنها قطعة من بلدي التي وهبني الله سبحانه وتعالى حياتي عليها والتي في سبيلها أضحي الغالي .................هي الأرض التي غرقت كثيرا بدماء أهلي وأهل كل المصريين في كل زمان لها معنا ذكرى

ولكــــــــــــــــــــــــــــــــــــــــــــــــــــــــــــــــــــن

أين هي الآن عند كل المصريين؟

هي للأغنياء فقط ورجال الأعمال والمستثمرين والسائحين

أما ولاد البلد(اجري يا حبيبي شوفلك حاجة على قدك....................ومتحاولش تلعب مع الكبار ...............دي لعبة خطر)

أنت هنا يا مان.....................تضحي بحياتك وروحك و؟أهلك ومالك.................عشان احنا نستثمر في القرى السياحية للأجانب والأخوة العرب اللي ربنا سبحانه وتعالى أنعم عليهم بفلوس أغلبهم لا يعرف قيمتها

إنما عشان تستمتع ببلدك.............................

.it is not your right good man

والدلائل كثيرة .......................سيناء من أحلى بلاد الأرض

كام واحد فينا راح شافها

كام واحد بيحلم يروح يشوفها ويبقى سائح مرة من نفسه مثلا.....................مثلا ..........................مثلا

بعد الشر في شرم الشيخ ............................التي أسمع عنها كلاما يوسئني ويؤذيني كثيرا ويجعلني أحزن على دماء أجدادي ودماء المسلمين التي ضاعت هدر

ارتكبت الحكومة جريمة في حق شعب مصر سوف يحاسبها عليها التاريخ، سمحت للمسؤولين بمحافظة جنوب سيناء ببناء سور إسمنتي لمنع بدو سيناء من التسلل إلى المدينة ظناً منها أن هذا السور سوف يمنع الإرهاب
صحيفة الوفد المصرية

الخبر ده من موقع العربية

البدو

إرهابيين

يا معلم.........................الإرهاب اقطعه من جذوره

الارهاب في بلدنا يعني الناس اللي ماشية على الصراط المستقيم

والصراط المستقيم يعني

الواد اللي عنده لحية مقتديا بالنبي عليه أفضل الصلاة والسلام

يعني البنت اللي مرتدية الزي الإسلامي

يعني اللي رجله واخدة على الجامع

طيب سيبكم من كل ده......................علاقتنا بحبيبة الكل

سوسو...........والحدق يفهم

ورؤية العرب لنا (منظرنا ادام أخوتنا بقى وحش بجد...........)حسبي الله ونعم الوكيل

شوفوا كده بيتقال علينا ايه

ارتبط اسم المنتجع البحري المصري في شرم الشيخ بتاريخ من اتفاقيات السلام والتنازلات العربية والفلسطينية للجانب الإسرائيلي، فغدا الحديث عن أي لقاء لطرف عربي بالطرف الإسرائيلي في هذا المكان المشئوم مؤشرا على تنازلات خطيرة وجذرية تؤثر سلبا في تاريخ القضية الفلسطينية والصراع العربي الإسرائيلي ............

قبل سنوات وفي شرم الشيخ أيضا تنادت دول العربية بتحريض أمريكي إلى "تجريم" المقاومة وضمها إلى قائمة الإرهاب والدعوة لمحاربتها وقطع دابرها

ده كلام الأخ...........طارق ديلواني............في مجلة العصر الإلكترونية

ولا ألومه عليها

بصوا باختصار...................احنا حاسين نفسنا(احنا المصريين)فالحين أوي في السياسة مع الصهاينة والأمريكان والأكثر ذكاءا عربيا

أقولكم انا باعترف أننا الأكثر دهاءا ودبلوماسية بين العربي قليلي الحيلة من وجهة نظري في هذا الجانب

لكن ..............إلى أين ادت بنا هذه الدبلوماسية إلى المصير الحالي

التقدم

الازدهار

وسملي على حالة الشباب الحلوة

والشقق المرمية

والناس اللي أعصابها هادية

أصل كل ده

والله مش فلوس

ديه نفوس غضب الله عليها والعياذ بالله

فأبعدها عنه

والأ بذكر الله تطمئن القلوب

حسبي الله ونعم الوكيل في كل من يبعدنا عن الله سبحانه وتعالى

أو يصدنا عن بيته

هو انا كنت كاتبة التدوينة ديه ليه؟؟؟؟؟؟؟؟؟؟؟

اه.................معلش أصل حالتنا المنيلة أسبابها كلها واحدة

احنا بس اللي أذكياء ؟؟؟؟؟؟؟؟؟؟؟؟؟؟؟؟

الحمد لله

peace

مغلــــــــق.............لأجــــل اللــــــــه

السلام عليكم ورحمه الله وبركاته


شاشه زجاجيه

تحمل وراءها عالم كعالمنا ...اناس مثلنا....
تستطيع ان تاخذك لبلد تبعد عنك الاف الكيلومترات فيما يقل عن الثانيه....
لطالما نظرت اليها ....واستغربت لنفسى....
أأنتى ايتها الزجاجه ؟
تسلبى من وقتى.... ما يفوق الوقت الذى اقضيه مع حالى
أأصبحت اسيره أمامك؟
فبدلا من ان اتحكم بك..... تحكمت انت بى
فتشغلينى بإنتظار المسلسل هذا والفيلم هذا
لطالما سئمت من هذه الكلمات
الحلقه الاخيره....
ستموت اليوم....
هذا هو الفيلم الذى سيتزوج فيه البطل من البطله فى النهايه
لا لا سيتركها عندما يعللم انها على علاقه بغيره

يا الله....
كيف اصبحت هكذا؟
بدلا من انشغل بك يا الهى ....انشغلت عنك
تركتك نتنظرنى فى جوف الليل .....وذهبت اليها
نسيت الجنه ....وجمالها
نسيت النار ......وعذابها
نسيت اهلى ...اصدقائى....مذاكرتى
فى سبيلها....

نسيتك يا الله
تجاهلت كل ما يفيد بها ....وأخذت اقلب فيما يشفى القلب العليل ..الذليل ...الضعيف
ولكنه يشفيه بسموم قاتله
بإمكانها ان تأخذك من الجنه وتلقى بك فى الدرك الاسفل من النار

وها قد حان رمضان....
المسلسل هذا.... وهذا.... وهذا

ولكن قد آن الاوان
لن اضيع رمضان...
سأقابله بقلب جديد
نيه جديده
فهو نعمه الرحمن
وطريق الحيران

احفظنى يا منان .....من هذا الشيطان

فى درس لأحد الشيوخ الافاضل
كان يقول فيه بانه عندما يأتى رمضان كان يضع على التلفاز ورقه مكتوب عليها

مغلـــق ...... لاجل الله

يالله
ما اجمله من احساس
يقشعر بدنى كلما نطقت بهذه الجمله

ان تضحى بشىء تحبه فى سبيل الله
احساس ليس بعده شىء


فلنقولها سويا
ونستحضر نيه طيبه فى قلوبنا

وننطق بها بألستنا
مغلـــــق.....لأجل الـلـــــــه

تليفزيون مغلق عن المعاصى
عن الذنوب
فلنستخدمه استخداملا سليما
مفيدا
ممتعا
القنوات المفيده عديده
اذا بحثت عنها ستجدها
ولكن ابحث
واعدك بانك ستعتاد عليها
ستجد مراره فى البدايه
ولكنك ستعتاد
ومره بعد المره ستستمتع بها
وفكر ولو لمره فى الافاده التى تعود عليك بعد انتهاء الفيلم الغير مفيد بالمره هذا


يا ذله كتبت فى غفله ذهبت ....يا حسره بقيت فى القلب تحرقنى

وكـــان ضحيتــــى

ذهبت انا واخى اول امس لشراء القليل من سمك الزينه

كان هذا بعد المداولات بينى وبين امى كى اخُرج حوض السمك مره اخرى الى النور

استسلمت امى بعد الكثيرمن المشاحنات بينى وبينها

كانت ترى انه يشغل حيز كبير فى الشقه

ويحتاج الى اعاده فى ترتيب الاثاث

ولكنها وافقت

تركت امى فى البيت تملأ الحوض بالماء وذهبت انا واخى الى المحل كى اشترى السمك

وهناك

وانا واقفه اتأمل السمك وهو يتحرك بحركته الانسيابيه التى تسحر العيون اذ بفتاه فى العقد الاول من عمرها تأتى وتقف بجانبى

تجاهلتها فى بادىء الامر

ولكنها ادارت الحديث معى عن السمك وانواعه وكيفيه الحفاظ على نظافه ماء الحوض

واعطتنى بعض النصائح حتى لا يموت السمك

كنت مستمتعه بكلامها وطريقتها الطفوليه فى الحديث

بالرغم من علمى بكل ما قالته الا اننى اعطيتها فرصه للتحدث معى

اشرت الى اخى حتى يأتى ويختار السمك

ولكنه قال لى انا لا اعرف شيئا فى هذا ( الموال

لم اجد حولى سوى هذه الفتاه كى تشاركنى الرأى

كان ذوقها فى الاختيار رائع

نأتى للمهم

خرجت وانا اودعها

فتح لى اخى باب السياره نظرا لانى كنت احمل الكثير من الاكياس

( مش جدعنه يعنى

كنت آخذهم بين يدى كالتى تدلل صغيرها

طلبت منه ان يقلل السرعه حتى لا تنفتح الاكياس ويضيع السمك فى شربه ماء

( ولكن لا حياه لمن تنادى

خرجت كلمات الشهاده من بين شفتى وانطلقنا فى طريقنا الى المنزل

وعند نزولى من السياره فتح لى الباب مره اخرى

( عجبانى الحته دى اوى :D

كنت اتفوه بكلمات لا اتذكرها اعتقد كنت اقول

( انا مش راكبه معااااااك تانى العمر مش بعزأه

( والله لاقول لماما عشان تحرم تسوق كده تانى

( دانا بسوق احسن منك

كدت اصلى ركعتين شكر لله على وصولى الى المنزل سالمه

قبلتنى امى واخذت السمك من بين يدى

ووضعناه فى الحوض مع الاشياء الاخرى

لم يصعد معى اخى

كنت انا وامى فى المنزل بلا ثالث

جلسنا امام الحوض نشاهد السمك ونحن نضحك ونبتسم

انظرى يا امى انها تختبىء داخل الودعه

وهذه التى تتحرك كالطائره

والتى تلتصق على الزجاج

تبادلنا اطراف الحديث حول السمك وانواعه والوانه

تركته ودخلت اجلس امام جهاز الكمبيوتر

ودخلت امى تقرأ القران

خرجت من الغرفه

واذ بالمفاجأه

نظرت الى السمك

فوجدته

وقد مات باكمله

ياالله ماذا حدث

اسرعت الى الحوض

شاهدته من بعيد

امى

امى

انظرى

لقد مات

ترى ماذا حدث

لا اعلم

بحثنا عن ( البتاعه اللى بنطلع بيها السمك دى

فلم نجدها

اضطرت امى لوضع يدها داخل الماء

سمعت صوتها وهى تصرخ

علمت ان الكهرباء قد اصابتها

اسرعت الى ( الفيشه ) ونزعتها بسرعه

واطمأننت على امى

وقلت لها

( قفلى على السيره دى بقى لحد ما محمود يطلع

ومات السمك

اصابته الكهرباء اللعينه

ملحقش يفرح بشبابه يا عين امه )

بالفعل لست ادرى ماذا حدث

يبدو اننى قد اخطأت وانا اصل بعض سلوك الكهرباء ( عامله فيها فقيقه اوى

وكان السمك ضحيتى فى هذه الليله

ودمتم سالمين

فــرحـــه متتوصفـــش

أمى

اختى

زوج اختى ( ابن خالتى برده

خالتى

زوج خالتى

هيطلعوا الحج السنــــــــــــــــه دى

انا سعيده جدااااا

مش متخيله ازاى العدد ده كله يتجمع مره واحده

لا وكلهم فى مكان واحد

يعنى هيبقوا مع بعض طول الحج

بقول لماما انتوا مش طالعين تحجوا انتوا طالعبن رحله

:D

لا وخالتو كانت هتطلع السنه الجايه

شويه محايله من ماما بقى وظبطوا الموضوع\

خالو كان قاعد امبارح بيكلم ماما

هو حج السنه اللى فاتت

كان بيحكيلها

بيقولها

اروع لحظه ممكن تمر عليكى فى حياتك

لحظه وقوع بصرك على الكعبه

يااااااااااااه

سعاده الدنيا بحالها مش هتكفيكى

ولا يوم عرفات قبل الغروب بساعه

كم رهيييييييييييييب من الناس

تحسى انك فى يوم القيامه

وصوت البكاء عامل زى الزلزال

فاضل على الغروب ساعه

كله عاوز يلحق

وبيحكيلها على رمى الجمرات

بيقولها اصعب مرحله فى الحج

كان واحد جنبه بيرمى الجمرات

وبيرفع ايده بقى بكل قوته

ودب

فى عين خالو

بيقولها انا حسيت انى اتعميت

:D

بقول لماما

اول عيد يعدى علينا من غيرك انتى وبابا

:)

تانى حاجه بقى مفرحانى برده

ان ماما خلاص سوت معاشها

ومش هتروح الشغل تانى

يعنى هبقى انا وهى

home alone

وهتساعدنى فى شغل البيت

:D

وهتزودلى الرز عشان اخويا ميتريأش عليا ويقولى دا رز ده ولا عجينه

:)

( بس والله امبارح اول يوم يعترف ان الرز فعلا لا يعلى عليه:D

اخر حاجه بقى واحسن حاجه

بعد المحايلات والمداولات والمؤتمرات

وتقبيل الايادى

وكنس الشقه مرتين فى اليوم بالمكنسه ام دراع مكسور

وافقت ماما

ووعدتنى

انها

هتتطلعنى

مع

خالو

العمره

السنه

الجاااااااااااايه

:D:D:D:D

قلبى هيقف من كتر الفرحه والله

الحمد لله

الحمد لله

فلنتعلم من يوسف عليه السلام

السلام عليكم ورحمه الله وبركاته

بدايه بعتذر عن حاله الخمول اللى فى المدونه

الكمبيوتر عنده دور سخونيه ولفيت بيه على الدكاتره كلاتهم

وامى حالفه تلت ايمانات مهى دافعه مليم لتصليحه تانى

( مش هتصلحه اه بس هتجيب واحد جديد :D)

ومستلفه اللاب بتاع جوز اختى

والسى بي يو بتاعه خالى

المهم

ندخل فى الموضوع عشان بنت خالى واقفه بتذلنى

:D

نجيب بس المصحف ونفتحه على سوره يوسف

آيه

100

اللى هى

بسم الله الرحمن الرحيم

وَرَفَعَ أَبَوَيْهِ عَلَى الْعَرْشِ وَخَرُّواْ لَهُ سُجَّدًا وَقَالَ يَا أَبَتِ هَـذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا وَقَدْ أَحْسَنَ بَي إِذْ أَخْرَجَنِي مِنَ السِّجْنِ وَجَاء بِكُم مِّنَ الْبَدْوِ مِن بَعْدِ أَن نَّزغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِّمَا يَشَاء إِنَّهُ هُوَ الْعَلِيمُ

الْحَكِيمُ

الايه دى سبحان الله

فيها شويه معانى للقيم والاخلاق

والحب والود والغيره ومراعاه شعور الاخرين

وحاجات كده مش ممكن

مثلا فى الجزء ده

وَقَدْ أَحْسَنَ بَي إِذْ أَخْرَجَنِي مِنَ السِّجْنِ

مفيش اختلاف ان افضل احسان بالنسه لسيدنا يوسف لما ربنا خرجه من الجب

وافضل بكتير من لما ربنا سبحانه وتعالى اخرجه من السجن

هنا نلاحظ مراعاه شعور الاخرين

عشان ميفضحش امر اخوته ادام ابيهم

وميفكرهمش باللى هما عملوه فيه\

لما رموه فى الجب

فضل انه يذكر خروجه من السجن عن خروجه من الجب بالرغم من ان الاخيره افضل بمراحل

حاجه تانيه برده فى نفس الايه

هنا

وَجَاء بِكُم مِّنَ الْبَدْوِ مِن بَعْدِ أَن نَّزغَ الشَّيْطَانُ بَيْنِي وَبَيْنَ إِخْوَتِي

احسن من كده حب وود عمرى ما شفت

يعنى لما حد فينا بيعمل حاجه لحد

طول عمره يفضل يذل فيه

وفاكر لما عملت معايا كذا

ولما قلتلى كذا

هنا سيدنا يوسف رمى كل شىء على الشيطان

كان ممكن يقولهم من بعد اللى عملتوه فيا

وفاكرين لما رميتونى

ولما كذبتوا على ابيكم

سبحان الله

حمل الشيطان ذنب كل اللى حصل

حاجات بسيطه لو تبقى موجوده فى تعاملاتنا

هيبقى لامتنا شأن عظيم

وهنبقى ناس مختلفين نهائى

لما يبقى العرف السائد بينا هو الحب والوئام

لما نسامح بعض

ونخاف على مشاعر بعض

مش نتخنق من بعض

لا وتوصل اننا نقتل فى بعض

كنا زماااااااان بننادى بأمه عربيه موحده

وازاى يبقى العرب مشغولين كده عن بعض

ولازم نبقى ايد واحده ونقف ضد المستعمروكل واحد يحول ينهب منا حقنا

فجأه نلاقى ان افراد الشعب الواحد والبلد الواحد واللقمه الواحده واللغه الواحده

هما اللى بيقتلوا فى بعض

والمستعمر واقف هيفطس على نفسه من الضحك ومنشكح اوى

(ولا قصدى فتح ولا حماس انا بعيد يا بيه

يبقى راح فين الحب

انا متأسفه

لازم اقوم حالا لان شويه هلاقينى انا والسى بى يو من البلكونه ع الشارع

سلام عليكم

التاج الاول

الحمد لله خلصت

دا تاج وصلنى من المجاهده

واول تاج على المدونه المهجوره دى



نبتدى بقى



استعنا ع الشقا بالله


من هو:أحب شخص لقلبك فى الدنيا؟



امى

احلى حاجه فى حياتى



انسان مستعد تضحي بحياتك –ركز فى كلمة حياتك- عشانه؟

حصلت قبل كده



كانت ماما برده

كانت هتغرق وانقذتها




اسم اخر حب(حتى الان)



محمد

رسول الله



الحمد لله وصلت للمرحله دى



كنت دايما بدعى انى اوصل لكده وبفضل الله وصلت



( حمداا لله على السلامه



نسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

لا اله الا الله

ودا من ايه

على العموم يعنى مش دى طبيعتى فى القتل

انا ليا اساليب تانيه

وانا فى الخدمه دايما

اتصل على

0900

وانا هلم الرجاله واجى

ما هو :اسم أجمل كتاب كتبه بشر قرأته ومحتفظ به حتى الان

الله



عندى كتاب اسمه

اغاثه الامه بكشف الغمه

الكتاب ده دمااااااااااار

للمقريزى



كان عند خالو من ايام الدراسه بتاعته

من 30 اربعين سنه كده

والكتاب يعينى متبهدل وحالته فظيعه

بس عاجبنى اوى اوى اوى



اسم كتاب-كتبه بشر برضة- انت متعلق بيه وبتقرأه كل فترة؟



تقريبا نفس الكتاب

اصله طويل اوى وكل فتره لما اقرأ حاجه



ممكن نقول برده كتاب السيره النبويه

لابن هشام

اهم جهاز منزلى انت متعلق بيه او بتستخدمه كتير ؟



الخلاط

بعد اللى ميتسماش طبعا



شىء تحس بالراحة النفسية عندما تنظر اليه



والله السؤال ده غلبنى



بس يعنى ممكن نقول الاطفال



مكان تحس بالراحة عندما تدخله ؟

اوضه بابا وماما



بالرغم من انى بدخلها فى اليوم اكتر من عشروميت مره



بس نقول ايه بقى



اجمل مدينة زرتها داخل مصر



مرسى مطروح



ما شاء الله



سبحان الخالق



أجمل مكان طبيعي رأيته داخل مصر؟

ممكن نقول شاطىء عجيبه فى مرسى مطروح برده



تبارك الله

روعه



انا كاتبه اسمى هناك على فكره

اول جبل على ايدك الشمال



نوع هاتفك المحمول؟

نوكيا

المساحة التى تشغلها المواد الاسلامية على جهازك ؟

والله مش كتير



انا لما بحب اسمع حاجه بسمعها اون لاين من على النت

لكن الحاجات اللى على الجهاز مش كتير



نفس المساحة السالف ذكرها فى قلبك-الاجابة لنفسك عشان الرياء يا اخواننا ؟



طيب ماشى

أهم هدف انت واضعه لحياتك دلوقتى

انى احفظ كتاب الله


صف ما يأتى :شعورك لما بتسمع كلمة مصر؟



بدعيلها ربنا يصبرها علينا

بس بحبها والله

شعورك لما بتسمع كلام عن اليهود

ربنا ما يوريكوا

صدق الرحمن

ولتجدنهم احرص الناس على حياهِ

شعورك لما بتشوف ظابط شرطة ؟

عادى مبحسش بحاجه بصراحه

شعورك لما بتشوف الكناس العجوز فى الطريق ؟



بشكر ربنا على النعمه اللى انا فيها



بالمناسبه بقى

واحد بيكنس دايما ادام البيت عندنا



فى الشارع يعنى



فماما دايما وهى نازله بتديله مبلغ

فهو كان بيقولها انه كان مسيحى واسلم وهى طبعا بقت تزود المبلغ

تانى يوم اكتشفت انه كذاب

وانه ولا كان مسيحى ولا حاجه



ومن ساعتها

ايديها مبقتش تتمد فى الشنطه



لمن ترسل هذا التاج ؟؟

فلسطينيه الهوى مصريه الارض (ايه

مطبات (محمد رفعت

على فكره فى اسئله كتير انا مجاوبتش عليها

اصل دى المره الرابعه ابعت البوست ده

كل مره كان يحصل حاجه

ولذلك انا مليت منه

بس خلاويث

سلام عليكم

دكتور الحقنــــى الحـــب هيموتنـــى

ارى هذه الايام ان

الجو اصبح ملبد بغيوم الحب

ويا اسمك ايه حبك نار

وبعيد عنك حياتى عذاب

الشاب اليومين دول بقى يقوم من النوم الصبح

يفرك عينيه

ويجرى ع الكاسيت يضربله اتنين عبد الحليم

وواحد ام كلثوم

دا ايه دا

بقى يمشى فى الشارع يقول ياحب

تحس ان الحب بيفط من عينيه فى اى وقت

ظاهره غريبه

بس نرجع بقى للمهم ولشغلنا

انا شايفه ان العامل الاساسى فى الموضوع ده

هو وسائل الاعلام الفظيعه

الى خلت من الحب اله جميل ينتظر كل شاب وكل فتاه

الافلام اللى مبقاش ليها سيره غير الحب وعذابه

طيب

بس برده

عامل اساسى تانى هو الشاب نفسه

وانا شايفه انه اقوى من وسائل الاعلام

طيب هل يا ترى

احنا فاضيين للكلام ده

شايفين ان الجو مناسب عشان كده

طبعا انتوا فهمتوا انى ضد الحب والبت دى معقده وكده يعنى

لا مش حكايه كده

الحب تمام وزى الفل وعلى عينى وراسى

وانا استاهل ضرب الجزمه

وانا عارفه انه لولا الحب ما بكت السماء لعطش الارض

( المطر لو مش واخد بالك :D)

بس مش بالمنظر ده يبقى الحب

يعنى المفروض كل شىء بمقدار

يعنى تلاقى الشاب ولا لسه كون مستقبله

ولا معاه فلوس

ولا خلص تعليمه

ومعدوم العافيه

وماشى يدور على الحب

طيب مش لما يبقى جاهز الاول

لما يبقى عارف انه لما يحب هيبقى اد المسئوليه

مش مجرد حب ويعدى

لا هيبقى حب وجواز وعيشه اخر حلاوه

لما يبقى يتأهل يبقى يحب براحته

وبرده نفس الشىء بالنسبه للبنت

لما تبقى تلاقى ابن الحلال

اللى ييجى يتقدملها

ويخطبها ويجورزها

(وده فى المشمش

تبقى تفكر فى الحب

يعنى

مش عارفه

عاوزانا نبقى عمليين شويه

انا عارفه انها حكايه صعبه

وان الحب ده عفريت وملوش امان

بس برده

لازم نحاول

شويه

ونخلينا اقوى من كده

ممكن مثلا نستبدل الحب ده بحب تانى

نحب ربنا

نحب مصر

نحب بابا وماما

نحب الماكره

بس نبعد عن الحب اللى بيجيبنا الارض ده

لحد ما ييجى اوانه

ونقول مع بعض

معا نتحدى المراهقه

خلاويث كده

سلام عليكم

أقولكم أنا ليه؟؟

بسم الله الرحمن الرحيم

بداية الكلام السلام وعندما نقول السلام لا نجد أحسن من تحية الاسلام

فأقول لكم السلام عليكم ورحمة الله وبركاته

ازيكم عاملين ايه؟

أكيد الحمد لله

ندخل في المهم

ههههههه

صلوا على النبي(ايه حكايات قبل النوم ديه)معلش بس صلوا

الموضوع وما فيه

أن احنا (نهلة ،سمر) المفروض طلبة اعلام

يعني متخصصين في شغل الاعلام والصحافة وما الى ذلك

ولأن المدونات شكل جديد من أشكال وسائل الاعلام التي لا تعترف بالحدود والفواصل بين العالم

فقد قررت مع أختي في الله سمر ماهر

أن

أن

نخبط بشويش على الباب الكبير

بتاع المدونين

راجيين من الله سبحانه وتعالى أن يجعل فينا القبول وتخلونا نشارككم بمدونتنا الصغنتوتة ديه في عالم الدونين

ياللا يا سمر

الجماهير محتشدة بتقول أين أنتم

عموما

أنا بأحجز مكنا

دلوقتي سلام

لغاية لما أجيب موضوع يكسر الدنيا ان شاء الله

مش هيكسرها يعني احنا مش بنحب الازية

نتوكل على الله ونبدأ

أستنونا

مش هتقدر متدخلش مدونتنا

ههههههههههه

والله ولي التوفيق

كده وخلاص

كبدايه لاطلاق المدونه

المفروض

احكى

وارغى

واقول

ملابسات الحدث

وعملتها ليه

والذى منه

بس والله منا قايله حاجه

انا هتوكل على الله

واللى يحصل يحصل

بس محدش يحدف طماطم

عشان ممكن اكولها

ويارب يارب يارب

البتاعه دى

تبقى فى ميزان حسناتى

خلاويث

سلام عليكم