Friday, October 12, 2007

سيناء .............يا أرض طهرتها دماء اجدادي

كتبت نهله محمود
بسم الله الرحمن الرحيم

بعد الصلاة والسلام على النبي الكريم

السلام عليكم ورحمة الله وبركاته

مبدئيا وقبل أي كلام ...............هل تعرفون ما هي سيناء أصلا؟

ممكن نقول كلام جغرافيا شوية عنها وهو كالآتي:


شبه جزيرة سيناء صحراوية في مصر بين البحر المتوسط و خليج السويس و قناة السويس و البحر الأحمر و خليج العقبة. تربط أفريقيا بآسيا. ويحدها من الشرق فالق الوادي المتصدع الممتد من كينيا عبر القرن الأفريقي إلى جبال طوروس بتركيا. وهذا الفالق يتسع بمقدار 1 بوصة سنويا.
و مساحتها 60,088 كم2 ويسكنها 380,000 نسمة.
قاعدتها العريش. تنقسم إلى العريش في الشمال و التيه في الوسط و الطور في الجنوب حيث الجبال العالية أهمها جبل موسى 2,285 متر و جبل القديسة كاترينا 2,638 متر (أعلى جبال في مصر) و في هذا الجبال في دير سانت كاترين و كنيسة غنية بالآثار والمخطوطات بناها جوستنيان عام 527 .
وتضم محافظتي شمال وجنوب سيناء

تمام كده........ده تعريف جغرافي جاف جدا عن سيناء الحبيبة من الموقع المعلوماتي ويكيديا

أما عن تعريفها عندي أنا كإنسانة مصرية..............هي قطعة مني طالما أنها قطعة من بلدي التي وهبني الله سبحانه وتعالى حياتي عليها والتي في سبيلها أضحي الغالي .................هي الأرض التي غرقت كثيرا بدماء أهلي وأهل كل المصريين في كل زمان لها معنا ذكرى

ولكــــــــــــــــــــــــــــــــــــــــــــــــــــــــــــــــــــن

أين هي الآن عند كل المصريين؟

هي للأغنياء فقط ورجال الأعمال والمستثمرين والسائحين

أما ولاد البلد(اجري يا حبيبي شوفلك حاجة على قدك....................ومتحاولش تلعب مع الكبار ...............دي لعبة خطر)

أنت هنا يا مان.....................تضحي بحياتك وروحك و؟أهلك ومالك.................عشان احنا نستثمر في القرى السياحية للأجانب والأخوة العرب اللي ربنا سبحانه وتعالى أنعم عليهم بفلوس أغلبهم لا يعرف قيمتها

إنما عشان تستمتع ببلدك.............................

.it is not your right good man

والدلائل كثيرة .......................سيناء من أحلى بلاد الأرض

كام واحد فينا راح شافها

كام واحد بيحلم يروح يشوفها ويبقى سائح مرة من نفسه مثلا.....................مثلا ..........................مثلا

بعد الشر في شرم الشيخ ............................التي أسمع عنها كلاما يوسئني ويؤذيني كثيرا ويجعلني أحزن على دماء أجدادي ودماء المسلمين التي ضاعت هدر


ارتكبت الحكومة جريمة في حق شعب مصر سوف يحاسبها عليها التاريخ، سمحت للمسؤولين بمحافظة جنوب سيناء ببناء سور إسمنتي لمنع بدو سيناء من التسلل إلى المدينة ظناً منها أن هذا السور سوف يمنع الإرهاب
صحيفة الوفد المصرية

الخبر ده من موقع العربية

البدو

إرهابيين

يا معلم.........................الإرهاب اقطعه من جذوره

الارهاب في بلدنا يعني الناس اللي ماشية على الصراط المستقيم

والصراط المستقيم يعني

الواد اللي عنده لحية مقتديا بالنبي عليه أفضل الصلاة والسلام

يعني البنت اللي مرتدية الزي الإسلامي

يعني اللي رجله واخدة على الجامع

طيب سيبكم من كل ده......................علاقتنا بحبيبة الكل

سوسو...........والحدق يفهم

ورؤية العرب لنا (منظرنا ادام أخوتنا بقى وحش بجد...........)حسبي الله ونعم الوكيل

شوفوا كده بيتقال علينا ايه

ارتبط اسم المنتجع البحري المصري في شرم الشيخ بتاريخ من اتفاقيات السلام والتنازلات العربية والفلسطينية للجانب الإسرائيلي، فغدا الحديث عن أي لقاء لطرف عربي بالطرف الإسرائيلي في هذا المكان المشئوم مؤشرا على تنازلات خطيرة وجذرية تؤثر سلبا في تاريخ القضية الفلسطينية والصراع العربي الإسرائيلي ............

قبل سنوات وفي شرم الشيخ أيضا تنادت دول العربية بتحريض أمريكي إلى "تجريم" المقاومة وضمها إلى قائمة الإرهاب والدعوة لمحاربتها وقطع دابرها

ده كلام الأخ...........طارق ديلواني............في مجلة العصر الإلكترونية

ولا ألومه عليها

بصوا باختصار...................احنا حاسين نفسنا(احنا المصريين)فالحين أوي في السياسة مع الصهاينة والأمريكان والأكثر ذكاءا عربيا

أقولكم انا باعترف أننا الأكثر دهاءا ودبلوماسية بين العربي قليلي الحيلة من وجهة نظري في هذا الجانب

لكن ..............إلى أين ادت بنا هذه الدبلوماسية إلى المصير الحالي

التقدم

الازدهار

وسملي على حالة الشباب الحلوة

والشقق المرمية

والناس اللي أعصابها هادية

أصل كل ده

والله مش فلوس

ديه نفوس غضب الله عليها والعياذ بالله

فأبعدها عنه

والأ بذكر الله تطمئن القلوب

حسبي الله ونعم الوكيل في كل من يبعدنا عن الله سبحانه وتعالى

أو يصدنا عن بيته

هو انا كنت كاتبة التدوينة ديه ليه؟؟؟؟؟؟؟؟؟؟؟

اه.................معلش أصل حالتنا المنيلة أسبابها كلها واحدة

احنا بس اللي أذكياء ؟؟؟؟؟؟؟؟؟؟؟؟؟؟؟؟

الحمد لله

peace


20 comments:

mohamed said...

مين قال ان المصرين مش بيخشوا

امال مين اللي بيشغل المنتجعات السياحية والقرى دي

مين اللي بيمسح بلاط الفنادق وبيسوق عربيات السياحة ويمن اللي بيغسل الصحون ومين اللي بيكنس الشوارع

ومين اللي بيتعلق من رجلة في نقط التفتيش اللي هناك

مش المصرين برضة

ازاي تقولي انهم مش قاعدين فيها

وانها للمستثميرن والعرب واليهود بس

سيناء أرضها شربت دم اهلنا

وانهاده بيهدر علي ارضها برضة كرامة اهلنا

Anonymous said...

بوست جميل جداا
ربنا يجزيكى خيرا
وكل عام وانتم بخير

والتاريخ يشهد ما يوجد بسيناء من حضارة عريقة
ولكن الاعلام هوا الذى يشوه الصورة
ولا يجعل صورة الرجل والمرأة الا بالمنظر المسئ

والحكم الظالم هوا الذى يريد هذا

حسبنا الله ونعم الوكيل
انا عايز اسأل هوا حضرتك من سينا
ولو منها من فين بالظبط

معلش على السؤال يعنى اصل انا بحبها جدا
وزرتها كتير
واتمنى من الله ان يميتنى فيها وادفن فى ترابها ووسط اهلها الكرام
جزاكم الله خير الجزاء وكل عام وانتم بخيير

السلام عليكم

نهلة محمود said...

بسم الله الرحمن الرحيم
بعد الصلاة والسلام على النبي الكريم
السلام عليكم ورحمة الله وبركاته

mohamed..............
يعني أولا:جزاك الله خيار
ومش قادرة أوصف لحضرتك التعليق ده اد ايه أضحكني وأبكاني في نفس الوقت
لا إله إلا الله
يعني فعلا.............احنا موجودين هناك للخدمة
؟؟؟؟؟؟؟؟؟؟؟؟

Anonymous said...
مع أني معرفش مين اللي بيتكلم
لكن عموما شكرا جزانا الله وإياكم خيرا إن شاء الله
سيناء ترابها غالي فعلا
لكن أنا مش من سيناء
أنا مصرية وحسب
أحب تراب بلدي من أول نقطة حدودية لغاية آخر نقطة
بالإضافة لبلاد المسلمين طبعا
وأولهم السعودية لوجود أعظم الحضارة فيها
المسجد الحرام الذي أتوه الناس شعثا يجرون يسرعون ويهرولون إليه
والمسجد النبوي


............
والحمد لله على نعمة الإسلام
وجزاكم الله خيرا كثيرا على الرد والاهتمام



ـــــــــــــــ
والسلام عليكم ورحمة الله وبركاته

Anonymous said...

اعرف نيتك قبل كلمتك

جزاكى الله خيرا على الرد واحنا كلنا مصريين فعلا
بس لو حضرتك من سيناء هاتعرفى ازاى سمعتها فى المحافظات التانية
وازاى الحزازة بين سكانها وسكان المحافظات التانية
المعظم مش الكل
بدون الدخول فى التفاصيل

لكن مش عارف اية هدف الاعلام من كدا
حسبنا الله ونعم الوكيل فعلا


يعنى اقل حاجة هدف الرئيس من عدم بناء جسر من شرم الشيخ للسعودية
يعنى نقدر نزور البيت الحرام بالعربية

بس الهدف انها تكون للاجانب وابنة جمال


والحمد لله على نعمة الاسلام فعلا

مش عارف كلمة فعلا لزقت فى لسانى لية

عموما
كل سنة وحضرتك بخير

صحيح

انا عاملanonymous

دة ملهوش علاقة بظهورى فى التليفزيون ولا حاجة

نهلة محمود said...

السلام عليكم ورحمة الله وبركاته
بعد الصلاة على النذير البشير محمد صلى الله عليه وسلم
........................

Anonymous said...

هو يمكن عشان أنا مش من سيناء معرفش السمعة اللي طالعة على شرم الشيخ
لكن بيتدارك إلى مسامعي من ناس بيشتغلوا في شرم الشيخ
أنها والعياذ بالله ممكن تؤدي بنا إلى هلاك عظيم لما يحدث فيها من انتهاك لحدود الله سبحانه وتعالى وللأخلاقيات والقيم
أما عن السمعة بتاعه سيناء بين البلاد الكجاورة فيا ريت تقول عليها

وجزاك الله خيرا كثيرا

والسلام عليكم ورحمة الله وبركاته

Anonymous said...

السلام عليكم
عذرا للتاخير

السمعة يا اختى فى المحافظات المجاورة وعن اهل سيناء عموما شمال وجنوب

انا ليا اصحاب كتير من العريش وسيناء
واقسم بالله ما شفت اهل اطيب من اهلها
لكن الناس دى لما تنزل القاهرة بيسمعوا كلام كتير ملوش لازمة

مثلا يعنى لما حد يسئلهم انتو منين
ويقولوا من سينا
يقوم الباشا اللى من القاهرة يقولهم
انتو يهود سيناء
وبتحصل كتييير جدا
حد تانى يقولهم انتو بتوع زراعة المخدرات والافيون

ناس تانية تقول انتو ارهابيين
وناس تقول انتو شغالين مع اسرائيل

وكلام كتييير واقسم بالله دة بيحصل وبسمعوا

انا مش بقول كل الناس

لكن الاغلبية بتقول كدا

والكلام دة وصل للناس اللى عمرهم ما شافوا العريش

او سيناء

اما بالنسبة للمخدرات اللى هى منتشرة فى ارجاء مصر
بسم الله ما شاء الله يعنى

بتتزرع فى سيناء مش بنقول حاجة

لكن من الاعراب اللى ربنا قال عنهم فى القرءان
ان الاعراب اشد كفرا ونفاقا
عرب الصحراء ... ومش كلهم

لكن يعنى هى سينا اللى فيها الحاجة دى
انا لما بنزل القاهرة والله بشوف الناس بتبيع المخدرات والادوية المخدرة فى الشارع

تنوية بسيط جدا علشان انا قعدت فى سينا والعريش بالاخص

الحكومة تعرف كل شبر مزروع فية مخدرات
وتقدر تمنع كل المهزلة دى
لكن فى ضباط من الشرطة بتساعد الاعراب وبتشترك معاهم فى الزرع والربح

يعنى بيعتبروها فلوس كتيير وفى وقت قليل جدا

وفى كل شبر فى الجمهورية فى الكويس والوحش
لكن لو عملتى عملية قياس بسيطة جدا
هاتشوفى ان اهل سينا الكويس اكتر من الوحش بكتيير جدا

وجزاكى الله خيرا على ردك
والسلام عليكم

نهلة محمود said...

بسم الله الرحمن الرحيم
بعد الصلاة والسلام على النبي الكريم
السلام عليكم ورحمة الله وبركاته


Anonymous said...
جزاك الله خيرا كثيرا على التوضيح

وشئ غني عن الكلام عنه
أن في كل فئة من البشر تجد الجيد وتجد الردئ


وجزاك الله خيرا كثيرا
وإن شاء الله تشرفنا بالمرور الدائم على المدونتين
مسلمة
وأنا مفقوووووووووووعة
وتضع آرائك المتيمزة


والسلام عليكم ورحمة الله وبركاته

محمد على ..هي كده said...

انا فى مشروع التخرج كان لازم اسافر لحته فخترت سيناء

بجد لا اجد من الكلمات ما تعبر عن تلك البقعه الجميله جدااااااااا


من مصر التى لا نعرف عنها الكثير

بجد جميله جدااااااا


بس لما روحت الشاطى(حته اسمها حمام فرعون )
عشان المشروع

لقيت ما احزاننى جداااااااا

علم اسرائيل على منشاة سياحه

احنا دفعنا دم اولادنا واخوانا عشان نرجعها

واليهود دفعوه فلوسهم واخدها تانى

هبههههووب said...

البلوج بتاعك حلوة اوى بارك الله فيكى
ربنا يكرمك يارب
الى الامام يا رومل

حبة حاجات (ايمان) said...

بوست جميل
ربنا يوفقك دايما
تحياتى ليكى
وعجبتنى اوى كلمة اعرف نيت قبل كلمتك

Anonymous said...

اختى
جزانا واياكم

ليا الشرف انى ازور مدونتكم الجميلة

وانا مفقووووووعة بالذات

شكرا لاهتمامك وكلامك الجميل عن اهل سيناء

شهادة اعتز بها فعلا

وتستحق ان اعلقها وساما على صدر احدى جبال سيناء

والسلام عليكم ورحمة الله

أحمد عبد القوي said...

السلام عليكم

سيناء الان مش ملكنا , شرم الشيخ وطابا ودهب ووووو

كل ده ملك اليهود والاجانب ورجال الاعمال المطبعين معهم

قال ايه مدينة السلام بل مدينة الاستسلام

انا نفسي اروح رفح اشوف الفلسطينين اللى متعلقين هناك

والحكومة المصرية تقمعهم هناك ولا تعطي لهم اى أهتمام

ربنا ينتقم

أحمد عبد القوي

Anonymous said...

تدعو رابطة مدوني الفيوم جموع مدوني مصر والصحفيين والمنظمات الحقوقية للمشاركة في الوقفة التضامنية التي ستنظمها الرابطة ولجنة يالا نفضحهم
امن الدولة العليا بالتجمع الخامس. أمام مقر نيابة
وذلك يوم الاحد 9/12/ 2007 الساعة 11 صباحا
تضامنا مع المدون أحمد محسن ولاعلان التضامن أيضا مع كافة المعتقلين الشرفاء
للإستعلام
0120134420 عبد الرحمن فارس.
0107893296 أحمد عبد القوي

أحمد عبد القوي said...

تدعو رابطة مدوني الفيوم جموع مدوني مصر والصحفيين والمنظمات الحقوقية للمشاركة في الوقفة التضامنية التي ستنظمها الرابطة ولجنة يالا نفضحهم
امن الدولة العليا بالتجمع الخامس. أمام مقر نيابة
وذلك يوم الاحد 9/12/ 2007 الساعة 11 صباحا
تضامنا مع المدون أحمد محسن ولاعلان التضامن أيضا مع كافة المعتقلين الشرفاء
للإستعلام
0120134420 عبد الرحمن فارس.
0107893296 أحمد عبد القوي

jessy88 said...

والله يا بنتى دى ناس عارفة هى عايزة ايه وعندها اصرار اللى مبتاخدوش بالعافية بتاخده بالذوق وعلى رأى جولدا مائير(سوف ناخذ ما لم نأخذه بالحرب ولكن بالسلم)او ما يعنى ذلك ...بس ارجع واقولك الشعب اللى يحصله كدة وتتسلب ارضه بمزاجه ويصبح زى ما بيقول الاخ محمد هو الخدااام والمرمطون هو اللى عمل فى نفسه كدة ماهو لو كان عنده شوية ضمير وبيشغل عقله ويفوق بقى من حالة الغرام والهيام اللى هو فيها مكنش الحال بقى الحال العيب مش على اللى ضرب العيب على اللى صعر خده....

Dr-Online said...

اولا معلومات قيمة جميلة جدا جدا
ثانيا المصرين بيدخلوا سينا ولكن مضيق عليهم شوية لازم تصريح ومش عارف اية ؟
اجراءات روتينية

علشان الاعمال الي سموها ارهابية ؟؟
مدونتكوا جميلك جدا جدا
وتحتوي الكثير
استمتعت وتشرفت بزيارتي الاولي لها

Anonymous said...

السلام عليكم

انا قلت اكيد هلاقى جديد
بوست يعنى

لكن اكيد مشغولة

ربنا يوفقك ومترحمناش من بوستاتك

مع السلامو عليكوا

KRENKEL said...

ممكن تزوروا مدونتى
emhearts.blogspot.com

Anonymous said...

بدأت اقلق

Nahla mahmoud said...

ربنا يكرمكوا على التعليقات
وآسفين على التأخير
بس هو مين اللي قلقان؟؟؟
هههههههه