Monday, November 10, 2008

Happy Birthda ,Sanar





11\11\1989
كان يوم ميلادى

11\11\2004
كانت اخر مره عملولى فيها عيد ميلاد

وكانت دى هديه بابا وماما ليا


والله العظيم قعدتهم دى بالدنيا :D


11\11\2008
كملت 19 سنه بقى
مش قادره اوصفلكوا اد ايه انا مبسوطه
بقالى كتير اوى مستنيه ال 19 دول
تصدقوا مش عارفه ليه
يعنى 16 طلعت البطاقه

و18 طلعت الرخصه
19
بقى بيطلعوا فيها ايه دى؟ الله اعلم
ربنا يستر وميطلعش فيها اخر شهاده :D
الاعمار بيد الله اكيد

عندى يقين ان السنه دى هتكون وش السعد
وبدايه لتغيير قوى فى شخصيتى وفى حياتى


عندى يقين ان فى حاجه معينه هتحصل السنه دى هتغير مسار حياتى للأبد
( اذ ربما يكون تفكيركوا راح لحاجه بعيده بس اؤكدلكم انى مقصدهاش )

عندى يقين انى لو ركزت فى البريميير انا وريهان هنعمل الفيلم الوثائقى اللى هيتعرض فى حفله جيان واللى ناس معينيين مرضيوش يعملوه :D

عندى يقين ان دكتوره هبه رؤوف هيكون ليها أثر قوى فى حياتى حتى لو لم تسنح لى الفرصه انى اتعرف عليها شخصيا

عندى يقين انه ممكن فى يوم من الايام الاقى عند بتاع الجرايد كتاب من تأليف سمر ماهر مطبوع فى مطبعه دار الشروق :D

عندى يقين انه ممكن فى يوم اذ ربما اتلاقوا فيلم في السينما من تأليف السيناريست سمر ماهر

عندى يقين ان ريهان هيكون ليها تأثير قوى فى حياتى لو فضلت صداقتنا زى ماهى

يقين عندى ( نغير بقى ) ان مدونه امينه الجديده هيبقى ليها شنه ورنه فى عالم المدونات
وانها هتكون دكتوره اطفال كبيره فى مصر هى واخوها اللى مرديش يبعتلى اغنيه
allah knows

عندى يقين انى لو قمت روقت الشقه دلوقتى ماما هتنبسط منى وهتجيبلى هديه فى عيد ميلادى

يالا يا سموره
Happy birth day to u
شت شت شاااا

وعلى رأى الدوك عمرو ابن خالى اللى مرديش يبعتلى الاغنيه
( مبحبش الدباديب ، ورد ماشى )

:D:D

مسوده

مبروك يا امينه على المدونه الجديده بتاعتك
وانا واثيق م الفوز :D
واثقه انها هتكون مؤثره وليها وزنها
يا امينه يا اكبر دكتوره فى مصر وفى الفضاء الخارجى ان شاء الله :D
( عمرى ما قلتلها حاجه بتوجعنى وقالتلى على علاج على فكره :D(

بحبك يا بنت خالى يا اللى دايما ساكنه فى بالى :D
( امينه عاوزين نعمل مدونه ل
NASA
:D:D
يا جناح ناسا الايمن
اللى بلوجر ذات نفسه جه يهنيكى على المدونه

هنا مدونه امينه

12 comments:

mohamed said...

كل سنة وأنتي طيبة يا سمر

ويارب تحققي كل اللي بتتمنيه وأكتر كمان

:D

سمـــر مــاهر said...

وانت بخير يا محمد ربنا يكرمك
ادعيلى بس احقق اللى انا عوزاه
ومش عاوزه الاكتر
:D

Anonymous said...

كل لحظه وانتى بخير ياسمر

وطبعا اهم حاجه حصلتلك فالسنه الجديده

انك ضفتى ميلى

لؤلؤ مكنون

سمـــر مــاهر said...

لؤلؤه
كل سنه وانتى طيبه يا مسكره

وبعدين انا ليا الشرف يا بنتى انى اضيفك عندى
انا اطول بس

MyDream said...

كل سنة وانتِ منتعشة :D

Anonymous said...

بسم الله الرحمن الرحيم

سمورة الامورة

كل لحظة وانت سعيدة ومبسوطة ....وبتضحكي يارب

كل سنة وانت لله اقرب ولحبيبك محمد صلى الله عليه وسلم حبا وشوقا

ربنا يكرمك يارب ويعزك ويعز بيكي مجال السيناريو كله وفي الفضاء الخارجي كمان ...

انت مش اقل من امينة يعني ...

اماني

سمـــر مــاهر said...

ماى دريم
كل سنه وانتى بتذاكرى

امانى
ربنا يتقبل منك يااااااارب
كل سنه وانتى بخير يا امانو

أحمد عبد القوي said...

كل سنة وإنتى طيبة يا سمر ، ويااااااااارب تحققى كل اللى تتمنيه ، وتكون السنة ال 19 دي خير عليكى


بس أنا أول مرة أعرف إنك متأثرة بالدكتورة هية رؤوف ، يعنى عمري ما شفتك حاضرة ليها محاضرة او ندوة او تكلمتى عنها

المهم نتمنى أن نراك مثل الدكتورة هبة وأفضل منها كمان ، بس ابقى افتكرينا



ربنا يوفقك

Anonymous said...

أعتقد إنكم جميعا في سن أولادي... وقبل ما حد فيكم يسأل إيه اللي جاب الراجل العجوز ده هنا أنا حجاوب ..... المدونة دي واحده من المدونات اللي بتخلليني أكثر فهما للجيل الجديد.. أكثر فهما لإبنتي اللي إتخرجت من الهندسة السنة دي. أمثال المدونة دي بأمانة خلتني أنظر لهذا الجيل بنظرة مختلفة كنت أراكم أقل منا واحنا في سنكم لأننا كنا بنكافح من أجل التغيير السياسي واسترداد سيناء... وأدركت من خلال هذه المدونات إنكم كمان بتكافحوا وبإصرار. جايز يكون الهدف مختلف وجايز أولوياتي تختلف عنكم لكنكم بكتاباتكم وآراءكم تستحقون الإحترام
تحياتي
مهندس هشام محرم

سمـــر مــاهر said...

كل سنه وانت بخير يا احمد ربنا يكرمك
بس انا من زمان بقول انى بحب د هبه :D
مع انى فعلا مش بحضر ليها حاجه خالص
بس بقرأ ليها كتير
وانا اتمنى فعلا اكون زيها
او حتى ربعها
ربنا يوفقنا ويثبتنا



مهندس هشام محرم
كلام حضرتك بجد وسام اعتز بيه
مبسوطه جدا بتعليق حضرتك
ربنا يعزك

Anonymous said...

كل مدى بيزيد احترامى ليكى يا سمر

امام سليم امام said...

كل لحظة ومصر وأهلها طيبين