Sunday, September 9, 2007

مغلــــــــق.............لأجــــل اللــــــــه




السلام عليكم ورحمه الله وبركاته


شاشه زجاجيه

تحمل وراءها عالم كعالمنا ...اناس مثلنا....
تستطيع ان تاخذك لبلد تبعد عنك الاف الكيلومترات فيما يقل عن الثانيه....
لطالما نظرت اليها ....واستغربت لنفسى....
أأنتى ايتها الزجاجه ؟
تسلبى من وقتى.... ما يفوق الوقت الذى اقضيه مع حالى
أأصبحت اسيره أمامك؟
فبدلا من ان اتحكم بك..... تحكمت انت بى
فتشغلينى بإنتظار المسلسل هذا والفيلم هذا
لطالما سئمت من هذه الكلمات
الحلقه الاخيره....
ستموت اليوم....
هذا هو الفيلم الذى سيتزوج فيه البطل من البطله فى النهايه
لا لا سيتركها عندما يعللم انها على علاقه بغيره

يا الله....
كيف اصبحت هكذا؟
بدلا من انشغل بك يا الهى ....انشغلت عنك
تركتك نتنظرنى فى جوف الليل .....وذهبت اليها
نسيت الجنه ....وجمالها
نسيت النار ......وعذابها
نسيت اهلى ...اصدقائى....مذاكرتى
فى سبيلها....

نسيتك يا الله
تجاهلت كل ما يفيد بها ....وأخذت اقلب فيما يشفى القلب العليل ..الذليل ...الضعيف
ولكنه يشفيه بسموم قاتله
بإمكانها ان تأخذك من الجنه وتلقى بك فى الدرك الاسفل من النار

وها قد حان رمضان....
المسلسل هذا.... وهذا.... وهذا

ولكن قد آن الاوان
لن اضيع رمضان...
سأقابله بقلب جديد
نيه جديده
فهو نعمه الرحمن
وطريق الحيران

احفظنى يا منان .....من هذا الشيطان

فى درس لأحد الشيوخ الافاضل
كان يقول فيه بانه عندما يأتى رمضان كان يضع على التلفاز ورقه مكتوب عليها

مغلـــق ...... لاجل الله

يالله
ما اجمله من احساس
يقشعر بدنى كلما نطقت بهذه الجمله

ان تضحى بشىء تحبه فى سبيل الله
احساس ليس بعده شىء


فلنقولها سويا
ونستحضر نيه طيبه فى قلوبنا

وننطق بها بألستنا
مغلـــــق.....لأجل الـلـــــــه

تليفزيون مغلق عن المعاصى
عن الذنوب
فلنستخدمه استخداملا سليما
مفيدا
ممتعا
القنوات المفيده عديده
اذا بحثت عنها ستجدها
ولكن ابحث
واعدك بانك ستعتاد عليها
ستجد مراره فى البدايه
ولكنك ستعتاد
ومره بعد المره ستستمتع بها
وفكر ولو لمره فى الافاده التى تعود عليك بعد انتهاء الفيلم الغير مفيد بالمره هذا


يا ذله كتبت فى غفله ذهبت ....يا حسره بقيت فى القلب تحرقنى



18 comments:

مواطن زهقان said...

جزاكى الله كل خير
بجد بوست جميل جدا
ومدونة رائعة
وان شاء الله زيارتى هتتكرر على طول
وانا بشكر القدر
انه وقعنى فى مدونة حلوة زى دى

mohamed said...

كل سنة وانتي طيبة

والتلفزيون والمسلسلات والفلام في رمضان وغير رمضان مضيعه للوقت

والحمد لله مش هرفع الشعار بتاع مغلق دا لاني مش بفتحة اصلاً

kholod said...

ســــــــــــــــمر

انتى جامدة و الله

دايما و ابد بتفوّقينى ف الوقت المناسب

هههههههههه

ربنا يكرمك

تدوينه حلوة اوى اوى

وربنا يرزقك الثبات ان شاء الله

كل سنة و انتى طيبة

HeB@_$@Kr said...

الله ياسمرمر

البوست جمييل جدااااا

وبجد من اكتر العبارات اللى شدتنى فيه

جملة

مغلق لأجل الله

بجد جمييله اووووى

وبعدين المسلسلات والحاجات دى بتتعاد وممكن نشوفها اكتر من مره

بس اللى مش بيجى الا مره واحده بس هوه رمضان والصوم والمغفره اللى فيه

ليتنا نتعظ


وكل سنه وانتى بالف خييييييييير

noha said...

:)

" من ترك شيئاً لله عوضه الله خيراً منه "

كل سنة وانتى طيبة يا روزا

سمـــر مــاهر said...

مواطن زهقان

جزاك الله خيرا
حضرتك شرفت المدونه


محمد
ربنا يثبتك على الايمان دائما يارب


خلود
صاحبه المكان:D

ربنا يكرمك يا بنتى احنا مبنعملش غير الواجب :D

وكل سنه وانتى بخير


هبه
ربنا يثبتك يارب

وكل عام وانتى بخير



نهى

جزاك الله خيرا يا حبيبتى
وكل عام وانتى بخير وسعاده وامان


سلام عليكم

الطلحاوى said...

ياااااااة

التلفزيون ؟؟؟

انا التلفزيون لا يعنى ليا شىء بتاتا

لكن فى البديل عنة الى هو الجهاز الى ربنا جعل الانسان يصنع جهاز بهذة المهارة ليخرج هكذا ونحن نستخدمة استخدام خاطىء

زى انا كدة مش بقوم من عالكمبيوتر خالص

لكن اية ؟

دة رمضان

يعنى

طز فى الكمبيوتر على التلفزيون الى انا بكرهة

يلا الحمد لله ربنا يسهلنا انشاء الله

سلام عليكم

Anonymous said...

" بسم الله الرحمن الرحيم "

روزاااااااااااااااليندا

موضوع جامد جدا بجد

وجيه في الوقت المناسب ...وربنا يكرمك يارب

ودايما كده تفكرينا بالخير

" وسلميلي على شنطة رمضاااااااان "
(( تم كتابة هذا التعليق بعد الانتهاء من شنطة رمضان ))

سمـــر مــاهر said...



( تم كتابة هذا التعليق بعد الانتهاء من شنطة رمضان


مييييييييين

مكتبتيش اسمك ليييييييييييه

على العموم هعرفك وهقفشك
:Dيا وسام يا منه يا امانى
علشان الكتكوته اللى كانت مجمعانا فى بيتها خلاص علقت
(خلود هانم

بس مينفعش منه
لانها عندها مدونه
يبقى يا امانى يا وسام


على العموم سلميلى على طبق المكرونه

kholod said...

ههههههههههههههههههههه

هى اكييييييييييد

انا و سمر عرفناكى على فكرة خلااااص

وسلمولى على شوال البلح

هههههههههههههههههههههه

ronnata said...

كل سنة و انتى طيبة يا روزا
و رمضان كريم
و بجد بوست جامد جدا
و كلامك سليم
رمضان دة فرصة للتوبة و للتقرب من ربنا
و الفرصة مبتجيش غير مرة واحدة بس
وهو الشهر اللى بيمدنا بالطاقة لباقى السنة
وبجد بوست حلو اوى
جزاكى الله خير

انا مش معاهم said...

مدونتك جميله وكمان الشغل اللي فيها حلو ربنا يبارك فيكي

ياسر مدني ...دينامو الإخوان said...

أدعوكم لإبداء الرأي في فوازير رمضان الشعريه(خلق وصحابي)للشاعر وليد الرفشي
ولا تنسوا
1-المشاركه
2-إبداء الرأي
3-مقترحات

وش اعلام said...

الموضوع رائع وف وقته.....ربنا يكرمك

ويخلي رمضان ده بداية للابتعاد عن ذلك المفسديون

وجزاكم الله خيرا.....وتقبل الله منا ومنكم

alqassam said...

كلام جميل ومفيد جدا
جزاكم الله خيرا وجعلة فى ميزان حسناتكم
وكل عام وانتم بخير

كفايـة طيبـة said...

بوست جامد ياسننور وعنوانه حلو اوى

بجد ربنا يكرمك يارب

عمرو المصري said...

كل عام وانتم بخير

اعاد الله عليكم العيد في العام القادم
ونحن علي ابواب المسجد الاقصي ان شاء الله


هدية المحارب للمحاربين في يوم العيد

تجدونها فقط
في
ارض الحرب

Maha said...

ربنا يجعلك من أهل الجنة والجزاء الحسن يا سمر

ربنا يبارك فيك بجد .. التدوينة .. رائعة