Sunday, July 15, 2007

وكـــان ضحيتــــى




ذهبت انا واخى اول امس لشراء القليل من سمك الزينه


كان هذا بعد المداولات بينى وبين امى كى اخُرج حوض السمك مره اخرى الى النور


استسلمت امى بعد الكثيرمن المشاحنات بينى وبينها


كانت ترى انه يشغل حيز كبير فى الشقه


ويحتاج الى اعاده فى ترتيب الاثاث




ولكنها وافقت




تركت امى فى البيت تملأ الحوض بالماء وذهبت انا واخى الى المحل كى اشترى السمك




وهناك




وانا واقفه اتأمل السمك وهو يتحرك بحركته الانسيابيه التى تسحر العيون اذ بفتاه فى العقد الاول من عمرها تأتى وتقف بجانبى




تجاهلتها فى بادىء الامر




ولكنها ادارت الحديث معى عن السمك وانواعه وكيفيه الحفاظ على نظافه ماء الحوض


واعطتنى بعض النصائح حتى لا يموت السمك


كنت مستمتعه بكلامها وطريقتها الطفوليه فى الحديث


بالرغم من علمى بكل ما قالته الا اننى اعطيتها فرصه للتحدث معى




اشرت الى اخى حتى يأتى ويختار السمك


ولكنه قال لى انا لا اعرف شيئا فى هذا ( الموال


لم اجد حولى سوى هذه الفتاه كى تشاركنى الرأى


كان ذوقها فى الاختيار رائع




نأتى للمهم




خرجت وانا اودعها


فتح لى اخى باب السياره نظرا لانى كنت احمل الكثير من الاكياس


( مش جدعنه يعنى


كنت آخذهم بين يدى كالتى تدلل صغيرها


طلبت منه ان يقلل السرعه حتى لا تنفتح الاكياس ويضيع السمك فى شربه ماء


( ولكن لا حياه لمن تنادى


خرجت كلمات الشهاده من بين شفتى وانطلقنا فى طريقنا الى المنزل


وعند نزولى من السياره فتح لى الباب مره اخرى


( عجبانى الحته دى اوى :D


كنت اتفوه بكلمات لا اتذكرها اعتقد كنت اقول


( انا مش راكبه معااااااك تانى العمر مش بعزأه


( والله لاقول لماما عشان تحرم تسوق كده تانى


( دانا بسوق احسن منك


كدت اصلى ركعتين شكر لله على وصولى الى المنزل سالمه


قبلتنى امى واخذت السمك من بين يدى


ووضعناه فى الحوض مع الاشياء الاخرى


لم يصعد معى اخى


كنت انا وامى فى المنزل بلا ثالث


جلسنا امام الحوض نشاهد السمك ونحن نضحك ونبتسم


انظرى يا امى انها تختبىء داخل الودعه


وهذه التى تتحرك كالطائره


والتى تلتصق على الزجاج


تبادلنا اطراف الحديث حول السمك وانواعه والوانه


تركته ودخلت اجلس امام جهاز الكمبيوتر


ودخلت امى تقرأ القران




خرجت من الغرفه




واذ بالمفاجأه




نظرت الى السمك




فوجدته




وقد مات باكمله




ياالله ماذا حدث




اسرعت الى الحوض




شاهدته من بعيد




امى




امى




انظرى




لقد مات


ترى ماذا حدث




لا اعلم


بحثنا عن ( البتاعه اللى بنطلع بيها السمك دى


فلم نجدها




اضطرت امى لوضع يدها داخل الماء


سمعت صوتها وهى تصرخ


علمت ان الكهرباء قد اصابتها


اسرعت الى ( الفيشه ) ونزعتها بسرعه


واطمأننت على امى


وقلت لها




( قفلى على السيره دى بقى لحد ما محمود يطلع


ومات السمك






اصابته الكهرباء اللعينه


ملحقش يفرح بشبابه يا عين امه )


بالفعل لست ادرى ماذا حدث


يبدو اننى قد اخطأت وانا اصل بعض سلوك الكهرباء ( عامله فيها فقيقه اوى








وكان السمك ضحيتى فى هذه الليله






ودمتم سالمين

26 comments:

Momo said...

معلش ياسمووور

تعيشي وماتاخديش غيرها ان شاء الله :)

ابقي خدي بالك وبلاش فكاكة زيادة ربنا يكرمك ... معاكى ارواح D:


هو عمر السمك بعزقة (سمايلي مستاء)

بن توفيق said...

حضرتك عملتى كده فى السمك ... ينفع كده

يلا حصل خير .. قدر الله وما شاء فعل

وانا لله وانا اليه راجعون

الطائر الحزين said...

سبحان الله العظيم

نحن نسير من قدر الله الى قدر الله

مكتوب لهذا السمك ان يموت عندك وفى أحضانك

لا أحد يعلم أين يخبأ له الخير
كنتى تظنى ان السمك سيأتى لك بالفرحة أتى لك وهو ميت

والله الموضوع له بعد اخر فلا يجوز ان نخرج منه بغير عبرة

آباءكم واولادكم لا تدرون أيهم أقرب لكم نفعا

بارك الله فيك وجزاك خيرا

sasa said...

السلام عليكم و رحمة الله و بركاته/
معلش يا سمر,وعموما الحمد لله انهم ماتوا قبل ما تتعودي عليهم لان انا جربت الموضوع ده مع حيوانات كتير واكتشفت ان حتي الفراق مع الحيوان مؤلم,
عامة تتعوض باذن الله "انا لله و انا اليه راجعون".
yallaالسلام عليكم.

Anonymous said...

ازيك يا روزتى..
ديه اول مرة ازوك فى مدونتك العسولة ديه..بس بجد جميلة..معلش يا سمورة على اللى حصل ده.. و الله انا ياما كان لية حوادث مع الحيوانات و الذى منه..حتى احجمت عن شرائهم و تربيتهم...بس ما تزعليش ابقى اتعلمى بقة يا فركوكة....

سلام يا قتالة القتلى...هههههه

حبيبة قلبك خووووخة

Alaa said...

معلش حصل خير
و الحمد لله ان والدتك بخير و انتي بخير
و محمود بخير
:)

ده موضوع التجمع ياريت أعرف رأيك

المدوّن خانة

noha said...

لاحول ولا قوة الا بالله
يللا اكيد السمك اترحم من حاجات تانيه مش جايز كنتى تموتيه مسموم ولا حاجة :D

والحمد لله ان طنط بخير

شايفة دلعلك عمل ايه
قلتلك بلاش نطلع الحوض بس مفيش فايدة

:D

يللا الحمد لله

شاب نفسة يحقق حلمة said...

نفس اللي حصل معايا والله
كان عندي حوض سمك جميل جدا ووقع اتكسر كله والسمك مات وانا بنظف الحوض
زعلت اوي ساعتها
تحياتي

الطلحاوى said...

السلام عليكم ورحمة الله وبركاتة

معلش حصل خير


قل لن يصيبنا الا ما كتب الله لنا

بس انتى كدة خوفتينى يعنى انا مش هجيب هدية الجواز بتاعة اختى حوض سمك


كنت هجيب يا حوض سمك يا عصافير والعصافير هى معندهاش بلكونة فقلت اخليها سمك

كدة لا سمك ولا عصافير واهو توفير ليا


يلا حصل خير مش تزعلى علية


يلا سلام عليكم

Anonymous said...

انا لله وانا اليه راجعون

Reem said...

لا حول ولا قوة الا بالله ايه ياسمر ده؟
معلش ياسمورة تجارب وبتتعلمى منها

mohamed said...

السمك غرق ...


قصدي السمك اكهرب :(

طيب وبعدين عملتوا فيه ايه

يعني رمتوه ولا في قطة محظوظة استمتعت بيه كا وجبة غير سعديه لاني معتقدش انه يشبها .. ولا ايه اللي حصل ..

طيب والكهرباء صلحتوها ؟؟؟

علمات استفهام كثرة حول تلك الحادثة؟؟

صحيح هي العربية نوعها ايه؟

سمـــر مــاهر said...

ربنا يكرمكوا جميعا

بس والله العظيم السمك ده اصلا كان يستاهل

:D

المشكله بقى اننا سبناه وروحنا اسكندريه اسبوع
وحطيتله الاكل قبل ما اسافر

رجعت لقيته ميت

:D:D:D

بس المره دى مات جعان

هههههههه

المره الجايه هيموت مشنوق


ربنا يستر ع السمك الجديد

سلام عليكم

شاب نفسة يحقق حلمة said...

فين الجديد
تحياتي
ليكي

Reem said...

فينك غايبة عن كل حاجة

على فكرة انا غيرت لينك المدونة عندى بقت
tasawir.blogspot.com

momken said...

ههههههههههه
الله يرحمه
انا الحقيقه حصل معايا زيها علشان كده مش هلومك بس انا السخان الى عندى هو الى موتهم اصل كنا فى الشتا
الصبح صحيت لاقيت السمك عايم علو وش الميه ومبيحطش منطق

يستاهل ايه الى يخليه يلعب فى الكهربا

الغريب ان اخويا بيقولى ممكن يكون غرق

تحياتى

سمـــر مــاهر said...


الغريب ان اخويا بيقولى ممكن يكون غرق



ههههههه

عادى ممكن يكون شرق ولا حاجه

بالمناسبه انهارده سمكه بلعت دبوس
كنت قاعده بتفرج عليها وهى بدخله حته حته
وعماله اقول لماما حاولى تخرجيه وهى تضحك وتقولى هى يعنى هتقعدلى لحد ما امسكه
المهم بلعته
وانا قاعده فطسانه على روحى من الضحك ومستنيه روحها تطلع بقى
بعد شويه لقيتها مطلعاه

هههههه
طلعت ناصحه

يالا الحمد لله

بعتذر عن الغياب الطويل ده
سفر مع مصيف مع كمبيوتر خربان

الحمد لله كله اتظبط خلاص

سلام عليكم

عبدالله المصري said...

اعرف نيتك قبل كلمتك !!!
ولكن ماذا كانت نيتك قبل مقالتك ؟!!
اعتقد ومع احترامى الشديد لك ان مليون قتيل عراقى احق بالاهتمام من بضعة سمكات , وان معاناة هذا الشعب المقهور المفقور اهم من معاناة السمك من التيار الكهربى وان خنجر اليهود المسلط على رقبة الامة اخطر من الدبوس الذى ابتلعته السمكة .

اقول هذا لان مدونتك تحمل اسم (مسلمة ) لذلك اعتقد انه من الواجب ان تهتم بما هو فوق حوض السمك , ومهما تضاءلت امكاناتنا فلابد وان يكون لنا دور مهما صغر .
تحياتى لك ودمت بخير

mohamed said...

معلش يا سمر
المهم لما تجيبي سمك بعد كدا تحافظي عليه
:)

لو استمريتي علي الوضع دا هيكون السمك مهدد بالانقراض

المدونة بتاعتك جميلة جداً وححريص اني اتابعها رغم انك مش بتكتبي كتير

واحلي ما فيها انها بتعبر عنك
وبتكتبي كل اللي انتي عايزاه
ومفيش احسن من ان واحد يكتب اللي هو عايزة او مواقف من حياته بصدق زي تدويناتك


واسم البلوج بتاعك جميل جداً
مسلمة
فعلاً بيعكس الجانب الانساني اللي في حياة المسلم ..اللي هو بشر وازي انه المسلم دا شخصية راقيه جداً وحساسة ..وانه متميز حتي في دراستة اللي في حد زاتها رسالة

عارفه يا سمر لما عملت المدونة بتاعتي لقيت الناس اللي دماغها تعبها -ربنا يشفيهم -بيسالوا انا ليه مش بكلم في السياسة او كذا وكذا

طبعاً الناس دي مرضتش عليها اصلاً لان عقلهم علي ادهم وفهمهم محدود

مش عارفين ان المدونة في الاساس شئ شخصي بحت اكتب فيه اللي انا عايزة وفي الوقت اللي انا احدده بالطريقة اللي تعجبني.. يعني اكتب اللي بيمثل محمد الانسان ومش بكتب لحد معين الا لحبي للكتابة والنس اللي قريبن مني اللي بيدخلوا عندي يقروا كلامي حتي وان كانوا مش بيعلقوا عليه دايماً

بس تقولي ايه الناس دي هيجبوا عقل منين يفهموا بيهم



المهم مستني البوست الجاي وتنسيش تحكلنا عن اخار ضحايكي من السمك

:)

المجاهدة said...

حلو اوى اوى البوست ده
:)

ربنا يعافي طنط و يحفظها من اي سوء
و معلش جيبو سمك تاني بتربى في عزكم:d

سمـــر مــاهر said...

الاستاذ عبد الله المصرى

حضرتك رأيك يحترم
ولكل انسان وجهه نظر ورأى واسلوب يجبر الاخرين على احترامه

اقسم بالله ان كل كلمه هكتبها مش هيكون فيها اى اسلوب سخريه

بدايه انا احب انى احتفظ بالنيه لنفسى
لانى لو قلتها ممكن متحوذش على اعجاب حضرتك
ممكن تكون نيه بسيطه بس يكون ليها تأثير كويس

وانا بحمد ربنا انها مش نيه سوء

النقطه التانيه

اعتقد ان التدوينه مكنش ليها اى تأثير لا ايجابى ولا سلبى على الوضع فى فلسطين او العراق
وهو لا ينم على اننى لست مهتمه بما يحدث
وانه لا يوجد لى اى دور
بفض الله لا ينقطع دعائى لهم ولنا
ولا يوجد بيدى سوى هذا وان احاول ان اشعر الاخرين بما يحدث

النقطه الاخيره
اريد ان اسأل حضرتك سؤال

ماذا قدمت للشعب الفلسطينى ...العراقى....اللبنانى .....الخ

واكرر اننى احترم رأى حضرتك وعندى المقدره على تقبل الرأى الاخر

سلام عليكم

محمد محيي الدين said...

انا شايف ان والدة حضرتك هي الضحية مش السمك :D

الف سلامة علي والدة حضرتك

انا اول مرة ادخل هذه المدونة بس ما شاء الله جميلة ربنا يجعلها في ميزان حسناتكم

بس اصلا فكرة السمك دي فكرة جميلة وتساعد الانسان علي التفكر

يعني انا مبعرفش اعمل التفكر ده الا في المصيف

حضرتك ممكن تغيري الفكرة بقي وتجيبي عصافير المرة الجاية :D

7amza said...

قدر الله وماشاء فعل

والحمد لله ان والدة حضرتك بخير

:)

Unknown said...

الحمدلله علي كل شئ
انا كمان كان عندي سمك
وبعدين سمكة منهم كانت هتولد خلاص
فانقلتها في حوض لوحدها
وبعدين قعدت تولد تولد لغاية ما جابت 113سمكة قعدت انا واخوية نعدهم كلهم
وبعدين عاشو يومين وبعدها ماتو
واخوية شال السمكة مامتهم قولتله سبها علشان تاكلهم ولا ترضعهم ولا اي حاجة دول لسة اطفال مش هيعرفو ياكلو
قالي مالكيش دعوة
وبعدها ماتو
مش كان راي صح ولا اية
يلا الحمدلله
اول زيارة وان شاء الله متبقاش اخر زيارة
سلام
مني

HeB@_$@Kr said...

هى دى اخرت اللعب فى الحاجات اللى ملناش فيها

:)

معلش ياسمرمر

وان شاء الله ربنا يعوضك فى غيرهم

وانا لله وانا اليه راجعون

هبههههووب said...

يا حبيبى يا سمك
انا كنت هقولك انك رومانسيه اوى ف وصفك للسمك
لكن بعد الى عملتيه دا مش هقولها
بس واالله فعلا صعب عليا بعد ما كنت مشتاقه اشوف السمك دا من جماله
بس طبعا مش انتى السبب
دا نصيبه انه يموت ف الوقت دا ودا عمره
قولى الحمد لله
لعل فى ذلك خير وربنا يعوضك خييييييير
ان شاء الله
بوست حلو وكفايا انى اتعلمت انى لما الاقى الدنيا طافيه ف حوض السمك محطش ايدى جواة
والف سلامه على ماماتك