Tuesday, May 1, 2007

دكتور الحقنــــى الحـــب هيموتنـــى




ارى هذه الايام ان




الجو اصبح ملبد بغيوم الحب




ويا اسمك ايه حبك نار



وبعيد عنك حياتى عذاب










الشاب اليومين دول بقى يقوم من النوم الصبح








يفرك عينيه





ويجرى ع الكاسيت يضربله اتنين عبد الحليم





وواحد ام كلثوم







دا ايه دا







بقى يمشى فى الشارع يقول ياحب







تحس ان الحب بيفط من عينيه فى اى وقت







ظاهره غريبه





بس نرجع بقى للمهم ولشغلنا





انا شايفه ان العامل الاساسى فى الموضوع ده





هو وسائل الاعلام الفظيعه





الى خلت من الحب اله جميل ينتظر كل شاب وكل فتاه





الافلام اللى مبقاش ليها سيره غير الحب وعذابه







طيب





بس برده





عامل اساسى تانى هو الشاب نفسه





وانا شايفه انه اقوى من وسائل الاعلام







طيب هل يا ترى





احنا فاضيين للكلام ده







شايفين ان الجو مناسب عشان كده







طبعا انتوا فهمتوا انى ضد الحب والبت دى معقده وكده يعنى





لا مش حكايه كده







الحب تمام وزى الفل وعلى عينى وراسى







وانا استاهل ضرب الجزمه

وانا عارفه انه لولا الحب ما بكت السماء لعطش الارض

( المطر لو مش واخد بالك :D)




بس مش بالمنظر ده يبقى الحب





يعنى المفروض كل شىء بمقدار







يعنى تلاقى الشاب ولا لسه كون مستقبله





ولا معاه فلوس





ولا خلص تعليمه







ومعدوم العافيه








وماشى يدور على الحب





طيب مش لما يبقى جاهز الاول



لما يبقى عارف انه لما يحب هيبقى اد المسئوليه





مش مجرد حب ويعدى





لا هيبقى حب وجواز وعيشه اخر حلاوه









لما يبقى يتأهل يبقى يحب براحته









وبرده نفس الشىء بالنسبه للبنت







لما تبقى تلاقى ابن الحلال





اللى ييجى يتقدملها





ويخطبها ويجورزها





(وده فى المشمش





تبقى تفكر فى الحب





يعنى





مش عارفه





عاوزانا نبقى عمليين شويه





انا عارفه انها حكايه صعبه





وان الحب ده عفريت وملوش امان





بس برده





لازم نحاول







شويه





ونخلينا اقوى من كده







ممكن مثلا نستبدل الحب ده بحب تانى





نحب ربنا







نحب مصر







نحب بابا وماما









نحب الماكره





بس نبعد عن الحب اللى بيجيبنا الارض ده







لحد ما ييجى اوانه







ونقول مع بعض







معا نتحدى المراهقه







خلاويث كده







سلام عليكم

29 comments:

صرخة الأقصى said...

روزا يا حبي مبروك الدخول في عالم المدونات

في انتظار مدوناتك الجامدة مووووت يا أجمل روزا عرفتها

Reem said...

مبروك يااجمل روزا

وبالنسبة للحب كلامك اكيييييييييييد متفقة معاكى فيها بس السبب اللى بيخلى اى حد يفكر فى الحب انه مش لاقى حاجة يفكر فيا عنده فراغ فى التفكيير مش لاقى حاجة يعملها مش بيفكر فى مستقبلوه لو بيحب بجد لازم يفكر هيعمل ايه عشان يضمن تحقيق مستقبلوه هيعمل ايه عشان يحقق ذاته الاغلبية لما بيلاقوا انهم مش لاقيين حاجة يفكروا فيها يقولوا ماتيجى نحب يحبوا شوية وبعدين يتصدموا قدام بالواقع وان الحياة مش حب وبس الحياه حب والحب جميل فى الحياة "الحب بكل انواعه"
بس هتتكلمى فى ايه ياسمر ؟ مش عارفة احنا مش نلغى وجود الحب بس يكون فى حب ويكون فى عقل بيفكر ويخطط للمستقبل وللحاضر

Reem said...
This comment has been removed by the author.
Nahla Abdul Rahman said...

بسم الله الرحمن الرحيم
بعد الصلاةو والسلام على النبي الكريم
السلام عليكم ورحمة الله وبركاته
موضوع جميل يا سمر
على فكرة لي رأي بسيط في الموضوع ده

الحب كلمة جميلة لها مدلول رائع في قلوبنا جميعا
(الحب لا يقتصر على الحب الحبيب لحبيبته)
أنتي بتناقشي قضية مهمة جدا
الناس اللي ماشية تحب على طول
طبعا مينفعش الواحد يبقى بيحب من غير ما ينظم أموره ويظبط نفسه
لكن بصراحة أنا مش شايفة مش عارفة حاسة أن في مشكلة في النص
ساعات الانسان بيقابل الحب مرة واحدة في حياته
فعلا
وبيقابل الشخص المناسب مرة واحدة في حياته
ممكن ساعتها الاتنين ميبقوش جاهزين(من حيث الماديات)
بس أنا مش شايفة مشكلة
مين دلوقتي في بلدنا ديه مستريح ماديا
ايه المشكلة لو الاتنين دول قعدوا مع بعض وخططوا لحياتهم ومستقبلهم وكفاحهم مع بعض
على فكرة هتلاقي ناس تقولك ده كلام شعارات
هو فعلا كلام شعارات
لو لم يكن هذا الحب يغمره مشاعر طاهرة من الحب في الله
في أنهم أتفقوا على الأ يغضبوا الله
لو الناس فكرت أنها ترضي ربنا سبحانه وتعالى
هتلاقي ربنا سبحانه وتعالى أرضاهم

رومانسية شوية
معلش

والله ولي التوفيق

سمـــر مــاهر said...

سلام عليكم



انا متفقه معاكى يا نهله

ورايك مظبوط ميه فى الميه


بس ده فى حاله واحده بس

لو الحب هو اللى جه للانسان

مش الانسان الى دور عليه

وموت نفسه عشان يلاقى حد يحبه


سلام عليكم

Nahla Abdul Rahman said...

بسم الله الرحمن الرحيم
بعد الصلاة والسلام على النبي الكريم
السلام عليكم ورحمة الله وبركاته

أنتي فتحتي موضوع هام جداااااااااااا
بردك

(((يدور على اللي بيحبه)))))))))

احساس وحش جدا لما تحسي أن مفيش حد بيحبك
مما يدفعك أن أنتي تدوري على حد يحبك

على فكرة مش قصدي حب الحبيب لحبيبته

قصدي عموما

يعني لما أبقى وسط أصحابي مثلا حاسة أني واحدة عادية مش فارقة معاهم
أو هما مش بيحبوني

ياااااااااه أد ايه ده ممكن يسبب لي أزمة
ودمااااااااااااااار

وده ممكن يدفع أي انسان للبحث عن الحب

للتعويض مما يفتقده

طيب احنا ليه مش بنحسس بعض أننا بنحب بعض
يعني قصدي عندنا جفاف في اظهار مشاعرنا لبعض

يعني مثلا لما أشوفك يا سمر الصبح
أقولك أهلا ببرودو كده

طب ليه

ليه متحسيش أن فرحانة أني شايفاكي
ليه؟

احنا فعلا عندنا مشكلة في الموضوع ده

جفاف في اظهار المشاعر

ههههههههه

والله ولي التوفيق

أحمد بن شلبي تكعيب said...

ماشاء الله ... رؤية وطرح ممتازين ...

بارك الله فيك ...

خطــاب said...

طريقة عرض ظريفة

بالفعل وسائل الاعلام لها الدور الاكبر فى هذا

محمد said...

الحب

كلمة لوثها البعض

ولكن لا يزال هناك من يعرف معناها

Unknown said...

أنا أول مرة أدخل هنا . :)
موضوع حلو ، وطرح فكاهي إلى حد كبير ..

أنا كنت كاتب قبل كده برضه حاجة في نفس المووضوع
http://hyperminds.blogspot.com/2007/04/blog-post_12.html

إلى الأمام دائماً ..
DrKonafa

سمـــر مــاهر said...

سلام عليكم


اخى احمد

جزاك الله خيرا على الدعاء


اخى خطَاب حضرتك شرفت المدونه

اخى وضاح

حضرتك برده شرفت المدونه :D


اما بقى دوكتور كنافه

فأنا احييك على الموضوع اللى فى المدونه

ما شاء الله رائع انا قريته كله

:Dبعد معاناه بالتأكيد

بس يارب الشباب يبقى كله تفكيره كده


ربنا يبارك فيكم يارب

سلام عليكم

واحد من الإخوان said...

الفكرة اللي انا فهمتها

هو إن الواحد لازم يكون واقعي مع عواطفة
لكن مش معنى كده إنه يلغي العواطف خالص

و المعادلة دي اللي بين العقل والعاطغة هي بتكون سر نجاح الإنسان
لو غلب العقل وطمس العاطفة هتكون حياتة كلها جفة خالية من اي ود او إجتماعيات او حسابات إنسانية

ولو غلب العاطفة
هيكون فاشل عمليا ومش هيحقق اي حاجة في حياتة

وهامش العقل والعاطفة اللي إتكلمتي فيه بالتفصيل كان واضح جدا خاصة لما بتتكلمي عن اللي يقدر يتجوز يروح يحب
ولما إتكلمتي عن الواحد لما يكون مش قادر ينجز حاجة في حياتة
ومع ذلك قاعد بيحب

توضيحك كان موضوعي ومتزن

محمد حمزة

Dr.khaled said...

حب ايه ايه ايه....:)

بصراحة الموضوع كبير اوي يا استاذة وانت اختصرتيه خالص

وطبعا حيث اني بحب ارغي كتير فمن الاسباب اللي بتساعد على انتشار الفكر الهايف ده
وانا مصمم اني اسميه هايف ...للاسباب اللي انتي ذكرتيها من انو الواحد مبيبقاش جاهز ولا كلام من ده ويفكر بهيافة في...
المهم
من الاسباب دي

وسائل البلاء -الاعلام يعني- كليبات وافلام ومسرحيات واغاني ومذيعات بييجوا بقميص النوم
ومنهم اللي بتيجي ونسيت تلبس هدومها

تاني سبب : الاباء والامهات دورهم كبير جدا...يعني ابتداءا لو مارسنا الطب الوقائي من حيث التربية الدينية االصحيحة على الكتاب والسنة والبدء في تحفيظ الطفل القران من صغره وزرع الفضيلة فيه وتعريفه بالضوابط اللي تكون بينه وبين المرأة في التعامل زي مثلا حرام انه يسلم على واحدة لان الرسول قال (اني لا اصافح النساء ) وهكذا..وزرع باقي الفضائل ده بدوره هيبعد عنه الرذائل التانية
برضه من الاسباب : اصدقاء السوء...وخصوصاا اللي في فترة الثانوية لانها حرجة جدا جدا جدا
طبعا هيا كانت على ايامنا الثانوية لكن الوقتي نزلت شوية وبقت الاعدادية :)
اصل احنا عندنا اعلام ملهوش بركة الا الشباب..أمال ايه
بعد كده من ضمن الاسباب برضه...ان الاب مش بيهتم بابنه في فترة المراهقة من حيث متابعته ومصاحبته وكده يعني
دي بعض الحاجات اللي انا فاكرها
فياليت لو حد عنده اسباب تانية يضيفها لنا من واقع تجربته...علشان كلنا نستفيد -ان شاء الله-
وشكرا لكم
والسلام عليكم
اخوكم/خالد

BinO said...

طبعاً احساس الحب اللي بيقع من كل حتة في سن المراهقة العادي والمتأخرة شئ طبيعي يثيره الشعور العام اللي بتحاول أدوات البرمجة الأعلامية بثه في النفوس
مفهوم البوي فريند والجرل فريند
وطمس مفهوم العفة والخجل والفضيلة

هبة مدكور said...

جمل اوى ياروزا ماشاء الله

وطبعا انا مش معاكى

هههههههههههههههههههههههه

سلام

sasa said...

مبروك يا جميل علي المدونة.....و انا مليش في الليلة دي..لا عارفة أحب و لا أتحب...
انا مش شايفة في الحوارات اللي حواليا ان فيها حب ..مجرد حركات,كلام عفي عليه الزمن,و كله عايز لفتين و أقلب يا معلم..و انا مش شايفة ان الماديات و قهر الشباب و الكلام الكبير ده يكفي يكون مبرر للبيعملوه الشباب في البنات و العكس صحيح.
و بعدين هو ليه المراهقة الناس شايفاها جريمة ؟!الاحسن نتراهق دلوقتي بدل ما نقلبها دراما و نستني لحد ما اسنانا تقع عشان نلراهق.
yallaالسلام عليكم.

فلسطينية الهوى said...

مبروك يابناتي عالمدونة


يارب تكون فاتحة خير عليكم


بت يا روزا

مبعوت لك تاج من المجاهدة


ردي عليه


بسرعة

safa7_karmooz said...

اوبس

سمـــر مــاهر said...

sasa

ايه يا بنتى التشاؤم ده

دا احلى حاجه فى الدنيا الحب


على راى الست :D

بس بجد لما تبقى بتحكمى على كل حاجه

بتفكير سليم ومنطقى

يعنى انا مش بقول نكتم عواطفنا ونكبت فى نفسنا

لا ابدا

انا ممكن اعيش مرحله المراهقه دى واستمتع بكل لحظه فيها

بس بالعقل

:D



ايه

اهلين فيكى

فينك يا زمرده


التاااااااج


الاسئله اللى فيه صعبه اوى يا ايه

عاوزالها تفكير شهر ونص


بس باذن الله هيتجاوب يعنى هيتجاوب

:D

safa7_karmooz


اهلا بيك فى المدونه



سلام عليكم

عمرو المصري said...

الاخت روزاليندااااااااا
صباح الدماغ العالية
بصراحة شديدة ومن غير مجاملة
اول مرة من ساعة مابدات اتابع النت عمومااشوف بني ادمة بتفكر بالطريقة دي

وبقيت عمال احلم باليوم اللي اشوف فيه شباب وبنات المسلمين يفكروا بنفس النهج ده ونفس الرؤية دي

احنا مش بنحرم الحب لانه شئ مطلوب

بس حب زي اللي امر بيه دينا

مش حب زي اللي منتشر الايام دي

دعواتي ليكي وليا ولكل شباب وبنات المسلمين ان ربنا يهدينا كلنا

قولوا امييييييييييييييييين

سمـــر مــاهر said...

السلام عليكم ورحمه الله وبركاته


عمرو المصرى


ربنا يعزك يارب


:Dبصراحه التعليق ده وقع قلبى

صباح الدماغ العاليه
و

بصراحه ومن غير مجامله

:Dيعنى حسيت ان حضرتك (هتدخل شمال


الحمد لله عدت على خير


انا موفقاك تماما

بلدنا محتاجه التفكير ده فعلا

وربنا يهدينا جميعا يارب


مدونه حضرتك شكلها كويسه باذن الله هبقى اطل عليها


اكتر حاجه عجبتنى فيها بصراحه

المجاهده

اول لما لقيت اسمها اتعلقت بالمدونه علطول

:D


ربنا يهدينا

سلام عليكم

عمرو المصري said...

مشكورة ع التعليق

بس ياريت حضرتك تبطلي تقولي حضرتك

يعني ماظنش ان الفرق كبير اوي لدرجة حضرتك وحضرتك يعنيي


ياريت حضرتك تكوني استوعبتي

سلام بقي حضرتك

AbdElRaHmaN Ayyash said...

كلام جميل :)

ياسر سليم said...

سلام عليكم

كلامك فيه شىء من الصحة ..
بس الشباب هيعمل إيه ..
لا شغل ولا فلوس ولا جواز .. وكمان ما يبقاش فيه حب .. ده ظلم ..
وجميله قوى ان البنات يبقى يقابلوكى ان جالهم عريس ..
ـــــــــــ
سؤال برىء : ايه الماكره اللى عايزه الناس تحبه ده ؟

سمـــر مــاهر said...

الماكره دى المقصود منها المذاكره يعنى


بس هى شكلها مكنتش عاوزه تطلع صح


:D

FloNa said...

هههههههههه

والله يا سمر انا واخدة بالي من الحكاية دي


بس مش حتكلم فيها اوي

مش عارفة انا اساسا بروح طالعة على السطح بتاع بيتي مع البنات كلهم


ونعد نبص على النجوم والقمر وبتاع


ونتكلم عن الحب



ونضحك وساعات نعيط



بس بجد بحس باحساس لذيذ اوي في كلام الحب



بعدها بكام يوم بخرج معاهم الشارع وبضرب وش البنت اللي لو حد كلمها كلمة حتهب في وشه



بيعدوا يقولولي فلونا هوه انتي كنت معانا يوم ما طلعنا السطح

بقولهم اه يا جماعة انا كنت معاكم

يقولولي فاكرة لما قلتي كذا وكذا


بقولهم اه طبعا فاكرة جدا


يقولولي مش باين يعني ايه وش البعبع اللي ضارباه ده


بعد اضحك كتير اوي بجد


اخر كلامي بقولهم مش دلوقتي ومش انا اللي اجري وراه هوه يجيني :)

سمـــر مــاهر said...

فلونا

يا ويلكم يا ويلكم

منوره وربنا


هو ده بالظبط اللى المفروض يحصل بجد

ربنا يكرمك يا بنتى

ويرزقك بابن الحلال

:D

سلام عليكم

Alaa said...

يارب لا تجعل الهنا هوانا
و اهدنا و تجاوز عن خطايانا
المراهقة لها مميزات و لها عيوب
فترة شباب و حركة و نشاط و جرأة
و لكنها فترة العنفوان و الانفتاح و التجارب الجديدة و النمو العقلي و الجسدي
لا نكون ضدها و لكن نوجهها :)

مدونتك رائعة
دي أول زيارة
ربنا يبارك فيكي و يحفظك

سمـــر مــاهر said...

اخى علاء

جزاك الله خيرا

حضرتك شرفت المدونه

فتره المراهقه من اصعب المراحل اللى ممكن يعدى عليها الانسان
اهم شىء انه يكون عندنا وعى بيها وبتقلباتها

ربنا يكرمك يارب

سلام عليكم